ಕುಶಾಲನಗರ, ಅ 18: ಮೈಸೂರಿನ ಮುಡಾ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಫ್ ಐ ಆರ್ ದಾಖಲಾದ ಕೂಡ ನೈತಿಕ ಹೊಣೆ ಹೊತ್ತು ಸಿಎಂ ಸಿದ್ದರಾಮಯ್ಯ ಕೂಡಲೇ ರಾಜೀನಾಮೆ ನೀಡಬೇಕಿತ್ತು ಎಂದು ಮಾಜಿ ಸಚಿವ ಅರಕಲಗೂಡು ಶಾಸಕ ಎ.ಮಂಜು ಅಭಿಪ್ರಾಯ ವ್ಯಕ್ತಪಡಿಸಿದರು.
ಹಾರಂಗಿ ಜಲಾಶಯಕ್ಕೆ ಬಾಗಿನ ಅರ್ಪಣೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಸಂದರ್ಭ ಸುದ್ದಿಗಾರರ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ಮೈಸೂರಿನ ಮೂಡಾ ಪ್ರಕರಣದಲ್ಲಿ ಸುಮಾರು 5 ಸಾವಿರ ಕೋಟಿ ರೂಗಳ ಅಕ್ರಮ ನಡೆದಿದೆ ಎನ್ನಲಾಗಿದ್ದು ಈ ಬಗ್ಗೆ ಪಕ್ಷಾತೀತವಾದ ತನಿಖೆಯಾಗಬೇಕು.
ತಪ್ಪಿತಸ್ಥರು ಯಾರೇ ಆದರೂ, ಅದೆಷ್ಟೇ ಪ್ರಭಾವಿ ಇದ್ದರೂ, ಯಾವುದೇ ಪಕ್ಷದವರಾದರೂ ಕೂಡ ಸೂಕ್ತ ಕ್ರಮ ಜರುಗಿಸಬೇಕಿದೆ.
14 ಸೈಟ್ ಗಳನ್ನು ಹಿಂದುರುಗಿಸಿರುವ ಹಿನ್ನಲೆಯಲ್ಲಿ ಮೇಲ್ನೋಟಕ್ಕೆ ತಪ್ಪು ಗೋಚರಿಸುತ್ತಿದೆ. ಈ ಹಿಂದೆ ಆರೋಪ ಹೊಣೆ ಹೊತ್ತು ಹಲವು ಸಿಎಂ ಗಳು ರಾಜೀನಾಮೆ ನೀಡಿ ಹೊರಬಂದು ದೋಷಮುಕ್ತರಾಗಿ ಅಧಿಕಾರ ಮುನ್ನಡೆಸಿದ ಉದಾಹರಣೆ ಇದೆ.
ಓರ್ವ ಕಾನೂನು ಪಂಡಿತರಾಗಿ ಈ ಹಿಂದೆಲ್ಲಾ ಬೇರೆ ಬೇರೆ ರಾಜಕಾರಣಿಗಳ ರಾಜೀನಾಮೆಗೆ ಒತ್ತಾಯಿಸಿದ್ದ ಸಿದ್ದರಾಮಯ್ಯ ಅವರ ವಿರುದ್ದ
ಮೂಡಾ ಪ್ರಕರಣದಲ್ಲಿ ದೂರು ದಾಖಲಾದ ಹಿನ್ನಲೆಯಲ್ಲಿ ಸಿದ್ದರಾಮಯಯ್ಯ ಕಾನೂನಿಗೆ ತಲೆಭಾಗಿ ರಾಜೀನಾಮೆ ನೀಡಬೇಕಿತ್ತು ಎಂದರು.
ಚನ್ನಪಟ್ಟಣ ಉಪಚುನಾವಣೆ ಸಂಬಂಧ ಪ್ರಶ್ನೆಗೆ ಉತ್ತರಿಸಿದ ಅವರು, ಪಕ್ಷದವರಿಗೆ ಟಿಕೆಟ್ ಅಪೇಕ್ಷಿಸುವುದು ತಪ್ಪಲ್ಲ. ಆದರೂ ನಮ್ಮದು ಮೂರು ಕಡೆಯಲ್ಲೂ ಮೈತ್ರಿ ಇರುವ ಕಾರಣ
ಜೆಡಿಎಸ್ ವರಿಷ್ಠರಾದ ಹೆಚ್.ಡಿ.ದೇವೇಗೌಡ ಹಾಗೂ ಹೆಚ್.ಡಿ.ಕುಮಾರಸ್ವಾಮಿ ಅವರ ತೀರ್ಮಾನವೇ ಅಂತಿಮ. ಆಕಾಂಕ್ಷಿಗಳು ಯಾರೇ ಇದ್ದರೂ ಕೂಡ ಆ ಕ್ಷೇತ್ರ ಕಾರ್ಯಕರ್ತರ ಅಭಿಪ್ರಾಯ ಹಾಗೂ ವರಿಷ್ಠರ ಆಯ್ಕೆಯೇ ಅಂತಿಮವಾಗಲಿದೆ. ಇಲ್ಲಿ ಬಂಡಾಯದ ಪ್ರಶ್ನೆ ಬರುವುದಿಲ್ಲ. ಮೈತ್ರಿ ಹಿನ್ನಲೆಯಲ್ಲಿ ಯಾರಿಗೇ ಟಿಕೆಟ್ ದೊರೆತರೂ ಕೂಡ ಸಹಕಾರ ನೀಡುವುದು ನಮ್ಮ ಕರ್ತವ್ಯ ಎಂದರು.
