ಕುಶಾಲನಗರ, ಡಿ 19: ಕುಶಾಲನಗರದ ಲಯನ್ಸ್ ಕ್ಲಬ್, ಗೌಡ ಸಮಾಜ, ಹಾಸನದ ಅಮ್ಮ ಚಾರಿಟೇಬಲ್ ಟ್ರಸ್ಟ್ ಸಂಯುಕ್ತಾಶ್ರಯದಲ್ಲಿ ಕುಶಾಲನಗರ ಗೌಡ ಸಮಾಜ ಸಭಾಂಗಣದಲ್ಲಿ ಉಚಿತ ನೇತ್ರ ಪರೀಕ್ಷಾ ಶಿಬಿರ ನಡೆಯಿತು.
ಗೌಡ ಸಮಾಜದ ಅಧ್ಯಕ್ಷ ಚಿಲ್ಲನ ಗಣಿಪ್ರಸಾದ್ ಶಿಬಿರ ಉದ್ಘಾಟಿಸಿದರು. ನಂತರ ಮಾತನಾಡಿದ ಅವರು, ದೇಹದ ಬಹುಮುಖ್ಯ ಅಂಗ ಕಣ್ಣಿನ ಅರೈಕೆ ಅತ್ಯಗತ್ಯವಾಗಿದ್ದು ಇಂತಹ ಉಚಿತ ಶಿಬಿರಗಳು ಆರ್ಥಿಕವಾಗಿ ಹಿಂದುಳಿದವರಿಗೆ ಹೆಚ್ಚಿನ ಅನುಕೂಲ ಕಲ್ಪಿಸಲಿದೆ ಎಂದರು.
ಲಯನ್ಸ್ ಕ್ಲಬ್ ಅಧ್ಯಕ್ಷ
ಸುಮನ್ ಬಾಲಚಂದ್ರ ಮಾತನಾಡಿ, ಶಿಬಿರದ ಸೌಲಭ್ಯಗಳ ಬಗ್ಗೆ ಮಾಹಿತಿ ಒದಗಿಸಿದರು.
ಈ ಸಂದರ್ಭ ಅಮ್ಮ‌ಕಣ್ಣಿನ ಆಸ್ಪತ್ರೆ ವೈದ್ಯರಾದ ಡಾ.ಪವನ್ ರಾಜ್, ಗೌಡ ಯುವಕ ಸಂಘದ ಅಧ್ಯಕ್ಷ ಕೊಡಗನ ಹರ್ಷ, ಗೌಡ ಸಮಾಜದ ಉಪಾಧ್ಯಕ್ಷ ಗಣಪತಿ, ಲಯನ್ಸ್ ಖಜಾಂಚಿ ನಿತಿನ್ ಎನ್ ಗುಪ್ತ, ವಲಯ ಅಧ್ಯಕ್ಷ ಕೆ.ಎಸ್.ಸತೀಶ್ ಕುಮಾರ್ ಸೇರಿದಂತೆ ವೈದ್ಯರಾದ ಚೇತನ್, ಭೂಮಿಕಾ, ಗೌಡ ಸಮಾಜ, ಲಯನ್ಸ್ ಕ್ಲಬ್ ಪದಾಧಿಕಾರಿಗಳು ಇದ್ದರು.
error: Content is protected !!
