ಶ್ರೀ ಕಾವೇರಮ್ಮ ಪ್ರತಿಮೆ ವೃತ್ತದಲ್ಲಿ ಕಾವೇರಿ ಪುಣ್ಯತೀರ್ಥ ಮತ್ತು ಅನ್ನಸಂತರ್ಪಣಾ ಕಾರ್ಯಕ್ರಮ: ಬಾಗಿನ ಅರ್ಪಿಸಿದ ತಹಸೀಲ್ದಾರ್ ಕಿರಣ್

ಕುಶಾಲನಗರ, ಅ 14: ತುಲಾ ಸಂಕ್ರಮಣ ಅಂಗವಾಗಿ ಬಾರವಿ ಕಾವೇರಿ ಕನ್ನಡ ಸಂಘದಿಂದ ಶ್ರೀ ಕಾವೇರಮ್ಮ ಪ್ರತಿಮೆ ವೃತ್ತದಲ್ಲಿ 13ನೇ ವರ್ಷದ ಕಾವೇರಿ ಪುಣ್ಯತೀರ್ಥ ಮತ್ತು ಅನ್ನಸಂತರ್ಪಣಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಬೆಳಗ್ಗೆ 10.30 ಕ್ಕೆ ಕಾವೇರಿ‌ ನದಿಗೆ ತಹಸೀಲ್ದಾರ್ ಕಿರಣ್ ಜಿ ಗೌರಯ್ಯ ಬಾಗಿನ ಅರ್ಪಿಸಿದರು. ಕಾವೇರಮ್ಮನಿಗೆ ವಿಶೇಷ ಪೂಜೆ ಆರತಿ ಬಳಿಕ ತೀರ್ಥ ವಿತರಣೆ ಅನ್ನಸಂತರ್ಪಣೆ ನಡೆಯಿತು. ಕಾವೇರಿ ಕನ್ನಡ ಸಂಘದ ಬಬೀಂದ್ರ ಪ್ರಸಾದ್, ರವೀಂದ್ರ ಪ್ರಸಾದ್, ವಿಜಯೇಂದ್ರ ಪ್ರಸಾದ್, ಎಸ್.ಎಲ್.ಎನ್.ನ ವೆಂಕಟಾಚಲ ಸೇರಿದಂತೆ ದಾನಿಗಳು, ಪ್ರಮುಖರು ಇದ್ದರು.