ಸರಕಾರಿ ಶಾಲಾ ವಿದ್ಯಾರ್ಥಿಗಳಿಗೆ ಹರಪಳ್ಳಿ ರವೀಂದ್ರ ಅವರಿಂದ‌ ನೋಟ್ ಪುಸ್ತಕ ಕೊಡುಗೆ

ಕುಶಾಲನಗರ, ಜು‌ 08: ಕೂಡಿಗೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳಿಗೆ ಸಮಾಜ ಸೇವಕ ಹರಪಳ್ಳಿ ರವೀಂದ್ರ ನೋಟ್ ಬುಕ್ ಗಳನ್ನು‌ ಕೊಡುಗೆ ನೀಡಿದರು.

ನೋಟ್ ಪುಸ್ತಕಗಳನ್ನು ವಿತರಿಸಿ‌ ಮಾತನಾಡಿದ ಹರಪಳ್ಳಿ ರವೀಂದ್ರ, ಈ‌ ಬಾರಿ 40 ಸಾವಿರ ಪುಸ್ತಕಗಳನ್ನು ವಿವಿಧ ಸರಕಾರಿ ಶಾಲೆಗಳಿಗೆ ವಿತರಣೆ‌ ಮಾಡಲಾಗಿದೆ. ಸರಕಾರ ಶಾಲೆಗಳು‌ ಖಾಸಗಿ ಶಾಲೆಗಳಂತೆ ಅಭಿವೃದ್ಧಿ ಹೊಂದಬೇಕೆಂಬುದು ನನ್ನ ಆಶಯ. ಈ‌ ನಿಟ್ಟಿನಲ್ಲಿ ತನ್ನ ಕೈಲಾದ ಸಹಕಾರ ಎಂದಿಗೂ‌ ಲಭಿಸಲಿದೆ ಎಂದರು. ಶಾಲಾ ಶಿಕ್ಷಕರು‌ ಮಕ್ಕಳ ಸರ್ವಾಂಗೀಣ ಅಭಿವೃದ್ದಿಗೆ ಶ್ರಮಿಸಬೇಕಿದೆ ಎಂದರು.
ಈ ಸಂದರ್ಭ ಕೂಡಿಗೆ ಗ್ರಾಪಂ ಉಪಾಧ್ಯಕ್ಷೆ ಮೋಹಿನಿ, ಮುಖ್ಯ ಶಿಕ್ಷಕಿ ಸಣ್ಣಕ್ಕ, ಹರಪಳ್ಳಿ ರವೀಂದ್ರ ಅಭಿಮಾನಿ‌ ಬಳಗದ ನಾಗರಾಜು, ಕೂಡಿಗೆ ಸ.ಪ.ಪೂ ಕಾಲೇಜು ಅಭಿವೃದ್ಧಿ ಸಮಿತಿ ಉಪಾಧ್ಯಕ್ಷ ಕೆ.ಕೆ.ನಾಗರಾಜಶೆಟ್ಟಿ ಸೇರಿದಂತೆ ಶಿಕ್ಷಕ ವರ್ಗದವರು ಇದ್ದರು.