ಕುಶಾಲನಗರ, ಜೂ 16: ಗಾಂಜಾ ಮಾರಾಟಕ್ಕೆ ಯತ್ನಿಸುತ್ತಿದ್ದ ಇಬ್ಬರು ಯುವಕರನ್ನು ಕುಶಾಲನಗರ ಗ್ರಾಮಾಂತರ ಪೊಲೀಸರು ಕೂಡಿಗೆಯಲ್ಲಿ ಬಂಧಿಸಿದ್ದಾರೆ.
ಕೂಡ್ಲೂರು ಕೈಗಾರಿಕಾ ಬಡಾವಣೆ ನಿವಾಸಿ ಸೈಯದ್ ಇಸ್ಮಾಯಿಲ್ ಎಂಬವರ ಪುತ್ರ ಸೈಯದ್ ಸಾಹಿಲ್ (20), ಕೂಡಿಗೆಯ ಸ್ವಾಮಿ ಎಂಬವರ ಪುತ್ರ ಪಿ.ಎಸ್.ಪ್ರತೀಕ್ ಬಂಧಿತ ಆರೋಪಿಗಳು.
ಗ್ರಾಮಾಂತರ ಠಾಣಾಧಿಕಾರಿ ಚಂದ್ರಶೇಖರ್ ನೇತೃತ್ವದಲ್ಲಿ ದಾಳಿ ನಡೆಸಿದ ಪೊಲೀಸರ ತಂಡ ಆರೋಪಿಗಳ ಬಳಿಯಿಂದ 135 ಗ್ರಾಂ ಗಾಂಜಾ ವಶಪಡಿಸಿಕೊಂಡಿದ್ದಾರೆ.
