ಪೇಪರ್ ಪ್ರಕಾಶಣ್ಣನಿಗೆ ಸೈಕಲ್ ಕೊಡುಗೆ ನೀಡಿದ ಸಹೃದಯರು

ಕುಶಾಲನಗರ, ನ‌ 02: ಕುಶಾಲನಗರದ ಹಿರಿಯ ಪತ್ರಿಕಾ ವಿತರಕರಾದ ವಿ.ಪಿ.ಪ್ರಕಾಶ್ ಅವರಿಗೆ ಕುಶಾಲನಗರ ಸಹೃದಯ ಗೆಳೆಯರ ಬಳಗ ಸೈಕಲ್ ಒಂದನ್ನು ಕೊಡುಗೆ‌ ನೀಡಿದರು.

ಪತ್ರಿಕಾ ವಿತರಣೆ ಕಾರ್ಯದಲ್ಲಿ ಹಲವು ದಶಕಗಳಿಂದ ತಮ್ಮನ್ನು ತೊಡಗಿಸಿಕೊಂಡಿರುವ ಪೇಪರ್ ಪ್ರಕಾಶಣ್ಣ ಅವರು ‌ಬಳಸುತ್ತಿದ್ದ ಸೈಕಲ್ ಕಳವಾಗಿತ್ತು. ಇದರಿಂದ ಪೇಪರ್ ಸಾಗಾಟಕ್ಕೆ ಇದ್ದ ಒಂದೇ ದಾರಿಯನ್ನು ‌ಕಳೆದುಕೊಂಡ‌ ಅವರು ಇಳಿವಯಸ್ಸಿನಲ್ಲೂ ನಡೆದುಕೊಂಡೇ ಪೇಪರ್ ಹಂಚಿತ್ತಿದ್ದರು.

ಇದನ್ನು‌ ಗಮನಿಸಿದ ಸಮಾಜ ಸೇವಕ ಕೆ.ಎಸ್.ಶಶಿಕುಮಾರ್ ಮತ್ತು ಅವರ ತಂಡ ಹೊಸ ಸೈಕಲ್ ಖರೀದಿಸಿ ಪ್ರಕಾಶ್ ಅವರಿಗೆ ಹಸ್ತಾಂತರಿಸಿದರು.

ಈ ಸಂದರ್ಭ ಪ್ರಮುಖರಾದ ಕೆ.ಜಿ.ಮನು, ಎಂ.ಡಿ.ಕೃಷ್ಣಪ್ಪ, ಕೆ.ಎನ್.ದೇವರಾಜ್, ಶಿವಾಜಿ, ಕೆ.ಡಿ‌.ಪ್ರಶಾಂತ್, ವನಿತಾ ಚಂದ್ರಮೋಹನ್, ರವಿ ಮತ್ತಿತರರು ಇದ್ದರು.