ವಿಶೇಷ ಅಗತ್ಯತೆಯುಳ್ಳ‌‌ ಮಕ್ಕಳ‌‌ ಪ್ರವಾಸ: ಗೈಡ್ ಕಾರ್ಯ‌ನಿರ್ವಹಿಸಿದ ಭಾಸ್ಕರ್ ನಾಯಕ್

ಕುಶಾಲನಗರ, ಮಾ 10: ಸೋಮವಾರಪೇಟೆ ಹಾಗೂ ಕುಶಾಲನಗರ ತಾಲೂಕು ವ್ಯಾಪ್ತಿಯ ಸರ್ಕಾರಿ ಶಾಲೆಯಲ್ಲಿ ವ್ಯಾಸಂಗ ಮಾಡುತ್ತಿರುವ ವಿಶೇಷ ಅಗತ್ಯತೆವುಳ್ಳ ಮಕ್ಕಳ ಕ್ರೀಡಾ ಹಾಗೂ ಕ್ಷೇತ್ರ ಅಧ್ಯಯನ ಪ್ರವಾಸದ ಅಂಗವಾಗಿ ಹಾರಂಗಿಗೆ ಭೇಟಿ‌
ನೀಡಿದ್ದರು.
ಅಣೆಕಟ್ಟೆಯ ಬೃಂದಾವನ ಹಾಗೂ ಸಾಕಾನೆ ಶಿಬಿರವನ್ನು ವೀಕ್ಷಣೆ ಮಾಡಲು ಬಂದಂತ ಮಕ್ಕಳನ್ನು ಕೂಡುಮಂಗಳೂರು ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ಭಾಸ್ಕರ್ ನಾಯಕ್ ಸಿಹಿ ಹಂಚುವುದರ ಮುಖಾಂತರ ಆತ್ಮೀಯವಾಗಿ ಬರಮಾಡಿಕೊಂಡು ಪ್ರವಾಸಿ ತಾಣವನ್ನು ವೀಕ್ಷಿಸಲು ಅನುವು ಮಾಡಿಕೊಟ್ಟರು. ನಂತರ ಮಕ್ಕಳೊಂದಿಗೆ ಕೆಲವು ಹೊತ್ತು ಹಾರಂಗಿ ಅಣೆಕಟ್ಟೆಯಿಂದ ಏನೆಲ್ಲ ಉಪಯೋಗವಿದೆ ಎಂಬುದರ ಬಗ್ಗೆ ಮಾಹಿತಿ ನೀಡಿದರು.
ವಿಶೇಷ ಅಗತ್ಯತೆವುಳ್ಳ ಮಕ್ಕಳಿಗಾಗಿ ಸರ್ಕಾರ ಹೊಸದಾದ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದರ ಮುಖಾಂತರ ಮಕ್ಕಳು ಓದಲು ಪ್ರೋತ್ಸಾಹ ನೀಡುತ್ತಿದೆ. ಮುಂದೆಯೂ ಇನ್ನಷ್ಟು ಹೊಸ ಕಾರ್ಯಕ್ರಮಗಳನ್ನು ಮಕ್ಕಳಿಗೆ ಸರ್ಕಾರ ಮಾಡಬೇಕೆಂದು ವಿನಂತಿಸಿದರು.