ಕುಶಾಲನಗರ ಇನ್ನರ್ ವ್ಹೀಲ್ ಕ್ಲಬ್‌ ನಿರ್ಮಿತ ಬಸ್ ತಂಗುದಾಣ ಲೋಕಾರ್ಪಣೆ

ಕುಶಾಲನಗರ, ಫೆ 11: ಕುಶಾಲನಗರದ ಇನ್ನರ್ ವೀಲ್ ಕ್ಲಬ್ ವತಿಯಿಂದ ಸರಕಾರಿ‌ ಇಂಜಿನಿಯರಿಂಗ್ ಕಾಲೇಜು ಮುಂಭಾಗ ನಿರ್ಮಿಸಿರುವ ಬಸ್ ತಂಗುದಾಣಕ್ಕೆ ಶನಿವಾರ ಚಾಲನೆ ನೀಡಲಾಯಿತು.
ಇನ್ನರ್ ವೀಲ್ ಕ್ಲಬ್ ಜಿಲ್ಲಾ ಅಧ್ಯಕ್ಷೆ ಕವಿತಾ ನಿಯತ್ ರವರು ನೂತನ ತಂಗುದಾಣವನ್ನು ಉದ್ಘಾಟನೆ ಮಾಡಿದರು. ನಂತರ ಮಾತನಾಡಿದ ಅವರು, ವಿದ್ಯಾರ್ಥಿಗಳ ಅನುಕೂಲಕ್ಕೆ ಕ್ಲಬ್ ಮೂಲಕ‌ ಒಂದು ಉತ್ತಮ ರೀತಿಯ ಕೊಡುಗೆ ನೀಡಿರುವುದು ಶ್ಲಾಘನೀಯ ವಿಚಾರ ಎಂದು ಅಭಿನಂದಿಸಿದರು.
ಇನ್ನರ್ ವೀಲ್ ಕ್ಲಬ್ ಅಧ್ಯಕ್ಷೆ ಅಶ್ವಿನಿ ಪುರುಷೋತ್ತಮ್ ರೈ ಮಾತನಾಡಿ, ಕ್ಲಬ್ ನ ಬಹುದಿನಗಳ ಕನಸುಇನ ಯೋಜನೆ ಇಂದು ಸಾಕಾರಗೊಂಡಿದೆ. ಕುಶಾಲನಗರ ಪುರಸಭೆ, ರೋಟರಿ ಹಾಗೂ ಇನ್ನರ್ ವ್ಹೀಲ್ ಕ್ಲಬ್ ಸದಸ್ಯರ ಸಹಕಾರದಿಂದ ಇಂತಹದ್ದೊಂದು‌ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ಮಳೆ, ಬಿಸಿಲಿನಿಂದ ವಿದ್ಯಾರ್ಥಿಗಳು, ಸಾರ್ವಜನಿಕರಿಗೆ ಅನಾನುಕೂಲ ಉಂಟಾಗಬಾರದು ಎಂದು ಉದ್ದೇಶದಿಂದ ಈ ತಂಗುದಾಣ ನಿರ್ಮಿಸಲಾಗಿದೆ ಎಂದರು.
ಮುಖ್ಯ ಅತಿಥಿಯಾಗಿ ಪಾಲ್ಗೊಂಡಿದ್ದ ಪುರಸಭೆ ಸದಸ್ಯ ಅಮೃತ್‌ರಾಜ್ ಮಾತನಾಡಿ, ಪ್ರಚಾರಕ್ಕಾಗಿ‌ ಅನಗತ್ಯ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವ ಕೆಲವು ಸಂಘಟನೆ, ಸಂಘಸಂಸ್ಥೆಗಳ‌ ನಡುವೆ ಸಮಾಜಮುಖಿ ಕೊಡುಗೆಯನ್ನು‌ ಇನ್ನರ್ ವ್ಹೀಲ್‌ ಮೂಲಕ ನೀಡಿರುವುದು ಮಾದರಿ‌ ಕಾರ್ಯಕ್ರಮ ಎಂದರು.
ಈ ಸಂದರ್ಭ ಪುರಸಭೆ ಸದಸ್ಯ ಪ್ರಮೋದ್ ಮುತ್ತಪ್ಪ, ರೋಟರಿ ಪ್ರಮುಖರಾದ ಮಹೇಶ್ ನಾಲ್ವಡೆ, ಟಿ.ವಿ.ರವಿ, ಡಾ.ಹರಿ ಎ ಶೆಟ್ಟಿ, ಗಂಗಾಧರ್, ಇನ್ನರ್ ವ್ಹೀಲ್ ಕ್ಲಬ್ ಕಾರ್ಯದರ್ಶಿ ಅಶ್ವಿನಿ ಆರ್.ಕುಮಾರ್, ಖಜಾಂಚಿ ದೀಪಾ ಪೂಜಾರಿ, ಐಎಸ್ ಒ ದಿವ್ಯ, ಮಾಜಿ ಅಧ್ಯಕ್ಷರಾದ ರೇಖಾ, ಸುನೀತಾ, ಸುಪ್ರೀತಾ, ಆರತಿ ಶೆಟ್ಟಿ, ಜಾಸ್ಮಿನ್, ಉದ್ಯಮಿ ಪುರುಷೋತ್ತಮ್ ರೈ ಸೇರಿದಂತೆ ಕ್ಲಬ್ ಸದಸ್ಯರು ಇದ್ದರು.