ಹೆಗ್ಗಡಳ್ಳಿ ಶನೈಶ್ಚರ ದೇವಾಲಯದ ಶ್ರೀ ಅಯ್ಯಪ್ಪ ಸ್ವಾಮಿಗೆ ಮಕರ ಸಂಕ್ರಾಂತಿ ದಿನದ ಪೂಜ್ಯೋತ್ಸವ

ಕುಶಾಲನಗರ, ಜ 14: ಕೂಡಿಗೆ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಹೆಗ್ಗಡಳ್ಳಿ ಗ್ರಾಮದಲ್ಲಿರುವ ಶನೈಶ್ಚರ ದೇವಾಲಯದಲ್ಲಿರುವ ಶ್ರೀ ಅಯ್ಯಪ್ಪ ಸ್ವಾಮಿಗೆ ಮಕರ ಸಂಕ್ರಾಂತಿ ದಿನದ ಅಂಗವಾಗಿ
ಪೂಜ್ಯೋತ್ಸವ ಕಾರ್ಯಕ್ರಮ ಶ್ರಧ್ದಾಭಕ್ತಿಯಿಂದ ನಡೆಯಿತು.
ಪುಣ್ಯಾಹವಾಚನ, ಗಣಯಾಗ, ಶಾಸ್ತಾರ ಹೋಮ, ಶಾಸ್ತಾರ ಪೂಜೆ, ಭಸ್ಮದ ಅಭಿಷೇಕ, ಪಂಚಾಮೃತ ಅಭಿಷೇಕ, ನವಕಪ್ರಧಾನ ಪಡಿಪೂಜೆ, ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ವಿನಿಯೋಗ ವಿತರಣೆ ಸೇರಿದಂತೆ ವಿವಿಧ ಪೂಜಾ ಕೈಂಕರ್ಯಗಳು ನಡೆದವು.
ನಂತರ 4 ಗಂಟೆಗೆ ಅಯ್ಯಪ್ಪ ಸ್ವಾಮಿ ಮೂರ್ತಿಯ ಮೆರವಣಿಗೆಯೊಂದಿಗೆ ಉತ್ಸವ ಮೂರ್ತಿಗೆ ಹಾರಂಗಿ ನದಿಯಲ್ಲಿ ಶುಧ್ಧ ಜಳಕಾಭಿಷೇಕ, ಬಳಿಕ ವಿಜೃಂಭಣೆಯಿಂದ ಪಾಲುಕೊಂಬು ಮೆರವಣಿಗೆಯಿಂದ ನಡೆಯಿತು
ಪೂಜ್ಯೋತ್ಸವ ಕಾರ್ಯಕ್ರಮದಲ್ಲಿ ಕೂಡಿಗೆ ಸುತ್ತ ಮುತ್ತಲಿನ ಗ್ರಾಮಗಳ ನೂರಾರು ಭಕ್ತರು ಭಾಗವಹಿಸಿದ್ದರು.