ಕುಶಾಲನಗರ, ಸೆ 15: ವ್ಯಕ್ತಿಯೊಬ್ಬ ಮಹಿಳೆಯೊಬ್ಬರನ್ನು ಹರಿತವಾದ ಆಯುಧ ಬಳಸಿ ಹತ್ಯೆಗೈದ ಘಟನೆ ಮಾದಾಪುರದ ಜಂಬೂರು ಬಾಣೆಯಲ್ಲಿ ಗುರುವಾರ ನಡೆದಿದೆ.
ಹಂಸ ಎಂಬವರ ಪತ್ನಿ ಸಾಹಿರ (35) ಕೊಲೆಯಾದ ಮಹಿಳೆ. ಪೂವಯ್ಯ ಅಲಿಯಾಸ್ ಬೊಳ್ಳು ಕೊಲೆ ಆರೋಪಿ. ಪತಿಯನ್ನು ತೊರೆದಿದ್ದ ಸಾಹಿರ ಮತ್ತು ಎರಡು ಮಕ್ಕಳ ತಂದೆ ಪೂವಯ್ಯ ನಡುವೆ ಅನ್ಯೋನ್ಯತೆ ಉಂಟಾಗಿತ್ತು. ಈ ನಡುವೆ ಸಾಹಿರ ಮನೆಯಲ್ಲಿ ಪರಪುರುಷನನ್ನು ಕಂಡು ಕೆರಳಿದ ಪೂವಯ್ಯ ಆಕೆಯ ಮೇಲೆ ಚೂರಿಯಿಂದ ದಾಳಿ ನಡೆಸಿದ್ದಾನೆ. ಘಟನೆಯಲ್ಲಿ ಗಂಭೀರ ಗಾಯಗೊಂಡ ಸಾಹಿರ ಮೃತಪಟ್ಟಿದ್ದಾರೆ. ಆರೋಪಿ ಪೊಲೀಸ್ ವಶವಾಗಿದ್ದಾನೆ.
