ಕುಶಾಲನಗರ, ಸೆ 08:
ಬಾಲಕಿ ಕೈ ಇಡಿದು ಎಳೆದಾಡಿದ ಆಟೋ ಚಾಲಕನ ವಿರುದ್ದ ಪ್ರಕರಣ ದಾಖಲಾಗಿದೆ. ಕೂಡಿಗೆ ಹಿ.ಪ್ರಾ. ಶಾಲೆಯ 7ನೇ ತರಗತಿ ವಿದ್ಯಾರ್ಥಿನಿ ಶಾಲೆಯಿಂದ ಮನೆಗೆ ತೆರಳುವ ಮಾರ್ಗದ ಹೆಗ್ಗಡಹಳ್ಳಿ ಬಳಿ ಆರೋಪಿ ಆಟೋ ಚಾಲಕ ಕುಶಾಲನಗರದ ಹೇಮಂತ್ (22) ಎಂಬಾತ ಕೈಹಿಡಿದು ಎಳೆದಾಡಿ ಪೀಡಿಸಿದ್ದಾನೆ. ಈತನಿಂದ ತಪ್ಪಿಸಿಕೊಂಡ ಬಾಲಕಿ ಮನೆಗೆ ತೆರಳಿ ವಿಚಾರ ತಿಳಿಸಿದ್ದಾಳೆ.
ಈ ಸಂಬಂಧ ಬಾಲಕಿ ತಂದೆ ನಾಸಿರ್ ನೀಡಿದ ದೂರಿನ ಮೇರೆಗೆ ಕುಶಾಲನಗರ ಗ್ರಾಮಾಂತರ ಠಾಣೆಯಲ್ಲಿ ಈತನ ವಿರುದ್ದ ಪೋಕ್ಸೊ ಪ್ರಕರಣ ದಾಖಲಿಸಲಾಗಿದೆ.
