ಶೈಲಜಾ ಬಡಾವಣೆಯ ಶ್ರೀ ವರಸಿದ್ಧಿ ವಿನಾಯಕ ಸೇವಾ ಸಮಿತಿಯಿಂದ ಅದ್ದೂರಿ ಗಣೇಶೋತ್ಸವ

ಕುಶಾಲನಗರ, ಸೆ 02: ಕುಶಾಲನಗರ ಪಪಂ‌ ವ್ಯಾಪ್ತಿಯ ಶೈಲಜಾ ಬಡಾವಣೆಯ
ಶ್ರೀ ವರಸಿದ್ಧಿ ವಿನಾಯಕ ಸೇವಾ ಸಮಿತಿಯ ಆಶ್ರಯದಲ್ಲಿ 18ನೇ ವರ್ಷದ ಗಣೇಶೋತ್ಸವ ಆಚರಿಸಲಾಯಿತು.
ಗಣೇಶೋತ್ಸವ ಅಂಗವಾಗಿ ವಿವಿಧ ಪೂಜಾ ಕೈಂಕರ್ಯ, ಆಟೋ ಸ್ಪರ್ಧೆ, ಅನ್ನದಾನ, ಸನ್ಮಾನ ಕಾರ್ಯಕ್ರಮ ನಡೆಯಿತು.
ಶೈಲಜಾ ಬಡಾವಣೆಯನ್ನು ಪ್ರವಾಹ ಮುಕ್ತವಾಗಿಸಲು ಹೊಳೆಯ ಹೂಳು ತೆಗೆಯಲು ಹಾಗೂ ಮಣ್ಣಿನ ತಡೆಗೋಡೆ ನಿರ್ಮಾಣ ಮಾಡಲು ಕಳೆದ ಎರಡು ವರ್ಷಗಳಿಂದ ನಿರಂತರವಾಗಿ ಶ್ರಮಿಸಿದ ಪ್ರಮುಖರಾದ ತೋರೆರ ಉದಯಕುಮಾರ್, ಕೊಡಗನ ಹರ್ಷ ಹಾಗೂ ಕೆ.ವರದ ಹಾಗೂ
ಕೋವಿಡ್ ಅವಧಿಯಲ್ಲಿ ಬಡಾವಣೆಗೆ ಸೂಕ್ತ ಆರೋಗ್ಯ ಸೇವೆಯನ್ನು ಒದಗಿಸಿದ ಆಶಾ ಕಾರ್ಯಕರ್ತೆ ಸರಸ್ವತಿ ಅವರನ್ನು ಸಮಿತಿ ವತಿಯಿಂದ ಸನ್ಮಾನಿಸಿ ಗೌರವಿಸಲಾಯಿತು.
ಈ ಸಂದರ್ಭ ಸಮಿತಿ ಅಧ್ಯಕ್ಷ ಕೆ.ವರದ, ಕಾರ್ಯದರ್ಶಿ ಜಯರಾಂ ಮತ್ತಿತರರು ಇದ್ದರು.