ಅಪಘಾತದಲ್ಲಿ ಗಾಯಗೊಂಡ ವಯೋವೃದ್ದನ ಆರೈಕೆ‌ ಮಾಡಿದ ನಿವೃತ್ತ ಅರಣ್ಯಾಧಿಕಾರಿ ಚಿಣ್ಣಪ್ಪ

ಕುಶಾಲನಗರ, ಸೆ 01: ಬೈಕ್ ಡಿಕ್ಕಿಯಾಗಿ ಅಸ್ವಸ್ಥಗೊಂಡಿದ್ದ ವಯೋವೃದ್ದನಿಗೆ ನಿವೃತ್ತ ಅರಣ್ಯ ಅಧಿಕಾರಿ ಆರೈಕೆ ಮಾಡಿ‌‌ ಮಾನವೀಯತೆ ಮೆರೆದಿದ್ದಾರೆ.
ಹೆಬ್ಬಾಲೆ ಬಾಣವಾರ ಮುಖ್ಯ ರಸ್ತೆಯ ಅಳುವಾರಕ್ಕೆ ತೆರಳುವ ಬೈರಪ್ಪನಗುಡಿ ಬಳಿ ತಿರುವಿನಲ್ಲಿ ಅಳುವಾರದ ವೆಂಕಟೇಶ ಎಂಬ ವಯೋವೃದ್ದರೊಬ್ಬರಿಗೆ ದ್ವಿಚಕ್ರ ವಾಹನ ಡಿಕ್ಕಿಪಡಿಸಿ‌ ಪರಾರಿಯಾಗಿತ್ತು. ಈ ಸಂದರ್ಭ ಅದೇ ಮಾರ್ಗದಲ್ಲಿ ಸೋಮವಾರಪೇಟೆಗೆ ತೆರಳುತ್ತಿದ್ದ ಕುಶಾಲನಗರ ವಲಯ ನಿವೃತ್ತ ಅರಣ್ಯ ಅಧಿಕಾರಿ, ಕುಶಾಲನಗರ ಲಯನ್ ಕ್ಲಬ್ ಅಧ್ಯಕ್ಷ ಎಂ.ಎಸ್. ಚಿಣ್ಣಪ್ಪ ಅವರು ಈ ಘಟನೆ ಕಂಡ ಕೂಡಲೆ ಗಾಯಗೊಂಡ ವೃದ್ದನ‌ ನೆರವಿಗೆ ಧಾವಿಸಿದ್ದಾರೆ. ತಕ್ಷಣ ಅವರಿಗೆ ಪ್ರಥಮ‌ ಆರೈಕೆ ಮಾಡಿ ತಮ್ಮದೇ ಕಾರಿನಲ್ಲಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿ ನೆರವಾಗಿದ್ದಾರೆ.