ಗೌರಿ ಗಣೇಶೋತ್ಸವ ಅಂಗವಾಗಿ ನಡೆದ ಷಟಲ್ ಬ್ಯಾಡ್ಮಿಂಟನ್ ಸ್ಪರ್ಧೆ

ಕುಶಾಲನಗರ, ಸೆ 01: ಕುಶಾಲನಗರದ ಜಂಪ್ಸ್ ಸ್ಮಾಶ್ ಷಟಲ್ ಬ್ಯಾಡ್ಮಿಂಟನ್ ಒಳಾಂಗಣ ಕ್ರೀಡಾಂಗಣದಲ್ಲಿ ಜಯರಾಜ್ ಹಾಗು ರಫೀಕ್ ಗೆಳೆಯರ ಬಳಗ ಗೌರಿ ಗಣೇಶ ಹಬ್ಬದ ಅಂಗವಾಗಿ ಎರಡು ದಿನಗಳ ಕಾಲ ಆಯೋಜಿಸಿದ್ದ ಷಟಲ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ವಿಶ್ವ
ಗಿರಿ ಗಿರೀಶ್ ಮಾಲೀಕತ್ವದ ಟೀಂ ಎಲ್ ಜೆ ತಂಡ ಮೊದಲ ಬಹುಮಾನ 30 ಸಾವಿರ ರೂ ಹಾಗು ಆಕರ್ಷಕ ಪಾರಿತೋಷಕ ತನ್ನದಾಗಿಸಿಕೊಂಡಿತು. ಡಿ.ಎಂ.ಆನಂದ್ ಮಾಲೀಕತ್ವದ
ಟೀಂ ರಾಕರ್ಸ್ ತಂಡ 20 ಸಾವಿರ ನಗದು ಬಹುಮಾನದೊಂದಿಗೆ ಎರಡನೇ ಬಹುಮಾನಕ್ಕೆ ತೃಪ್ತಿ ಪಟ್ಟಿತು.
ಲೋಹಿತ್ ಮಾಲೀಕತ್ವದ ಡೈಮಂಡ್ ತಂಡ 10 ಸಾವಿರ ನಗದು ಬಹುಮಾನದೊಂದಿಗೆ ಮೂರನೇ ಬಹುಮಾನ ಪಡೆಯಿತು.‌
ಏಳು ಪ್ರಾಂಚೈಸಿಗಳಿದ್ದ ಪಂದ್ಯಾವಳಿಯಲ್ಲಿ 84 ಆಟಗಾರರು ಪಾಲ್ಗೊಂಡಿದ್ದರು.
ವಿಜೇತ ತಂಡಗಳಿಗೆ ಕ್ರೀಡಾ ಕೂಟದ ಆಯೋಜಕರಾದ ಜಯರಾಜ್, ರಫೀಕ್, ಅಬು, ರವಿ, ಅರುಣ್, ಹೇಮು, ರಕ್ಷಿತ್, ಪಿಡಿಒ ಲೋಕೇಶ್ ಮತ್ತಿತರರು ಬಹುಮಾನ ವಿತರಿಸಿದರು.