ತುಂಬಿದ ಕಾಟಿಕೆರೆಗೆ ದೇವಾಲಯ ಸಮಿತಿ ವತಿಯಿಂದ ಬಾಗಿನ ಸಮರ್ಪಣೆ

ಕುಶಾಲನಗರ, ಜು 22: ಕೊಡಗಿನಲ್ಲಿ ಉತ್ತಮ‌ ಮಳೆಯಾಗುತ್ತಿದ್ದು ಕೆರೆಗಳು ತುಂಬಿ‌ ಹರಿಯುತ್ತಿವೆ.
ಮಾದಾಪಟ್ಟಣದ ಶ್ರೀ ಕಾಶಿ ವಿಶ್ವನಾಥ ಮತ್ತು ಜೋಡಿ ಬಸವೇಶ್ವರ ದೇವಾಲಯ ಸಮಿತಿ ವತಿಯಿಂದ ಮಾದಾಪಟ್ಟಣ ಗ್ರಾಮದ ಕಾಟಿಕೆರೆಗೆ ಬಾಗಿನ ಅರ್ಪಿಸಲಾಯಿತು.
ತುಂಬಿದ ಕೆರೆಗೆ ಸಾಂಪ್ರದಾಯಿಕ ಪೂಜೆ ನೆರವೇರಿಸಿದ ಬಳಿಕ‌ಬಾಗಿನ ಅರ್ಪಿಸಲಾಯಿತು.
ಅರ್ಚಕ ಪರಮೇಶ್ವರ ಭಟ್ ಪೂಜಾ ವಿಧಿ ನೆರವೇರಿಸಿದರು.
ಈ ಸಂದರ್ಭ ದೇವಾಲಯ ಸಮಿತಿ ಅಧ್ಯಕ್ಷ ಎಂ.ಎಸ್.ನಾಗೇಶ್, ಕಾರ್ಯದರ್ಶಿ ನಂದಕುಮಾರ್, ಖಜಾಂಚಿ ವಿನೋದ್, ಸದಸ್ಯರಾದ ಬೋಪಯ್ಯ, ಪ್ರವೀಣ್, ಗ್ರಾಮಸ್ಥರಾದ ಮಂಜು, ದಯ ಇದ್ದರು.