ಹೋಟೆಲ್ ಮಾಲೀಕನಿಗೆ ಚಾಕು ಇರಿತ: ಇಬ್ಬರ ಬಂಧನ

ಕುಶಾಲನಗರ, ಜು‌17:ಮಡಿಕೇರಿ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಹಳೆ ಖಾಸಗಿ ಬಸ್ ನಿಲ್ದಾಣದಿಂದ ಐ.ಜಿ. ಸರ್ಕಲ್ ಕಡೆ ತೆರಳುವ ರಸ್ತೆಯಲ್ಲಿ ದಿನಾಂಕ: 16-07-2024 ರಂದು ರಾತ್ರಿ ಸಮಯ ಸುಮಾರು 11,00 ಗಂಟೆಗೆ ತ್ಯಾಗರಾಜನಗರ ನಿವಾಸಿಯಾದ  ರಿಯಾಜ್ ಎಂಬುವವರಿಗೆ ಚಾಕುವಿನಿಂದ ಚುಚ್ಚಿರುವ ಕುರಿತು ದೂರು ಸ್ವೀಕರಿದ ಹಿನ್ನೆಲೆಯಲ್ಲಿ ಘಟನೆ ಸ್ಥಳಕ್ಕೆ ಮಡಿಕೇರಿ ನಗರ ಪೊಲೀಸ್ ಠಾಣಾ ಅಧಿಕಾರಿ & ಸಿಬ್ಬಂದಿಗಳು ಭೇಟಿ ನೀಡಿ ಮಾಹಿತಿ ಹಾಗೂ ಸಾಕ್ಷ್ಯಧಾರಗಳನ್ನು ಕಲೆ ಹಾಕಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಳ್ಳಲಾಗಿರುತ್ತದೆ.

ದಿನಾಂಕ: 16-07-2024 ರಂದು ರಾತ್ರಿ ಸಮಯ ಸುಮಾರು 11.00 ಗಂಟೆಗೆ ಹಳೆ ಖಾಸಗಿ ಬಸ್ ನಿಲ್ದಾಣದಿಂದ ಐ.ಜಿ ಸರ್ಕಲ್ ಕಡೆ ತೆರಳುವ ರಸ್ತೆಯಲ್ಲಿ  ರಿಯಾಜ್ ಎಂಬುವವರು ತೆರಳುವ ಸಂದರ್ಭ ರಿಯಾಜ್ ರವರ ಹೋಟೇಲ್‌ನಲ್ಲಿ ಅಡುಗೆ ಕೆಲಸ ಮಾಡುವ ಬೈಲುಕುಪ್ಪೆ ನಿವಾಸಿಯಾದ ತೆನ್ಸಿಲ್ ನೋರ್ಬು ಹಾಗೂ ರಾಣಿಪೇಟೆ ನಿವಾಸಿ ಗಣೇಶ್ ಎಂಬ ಇಬ್ಬರು ಕುಡಿದ ಅಮಲಿನಲ್ಲಿ ಕ್ಷುಲಕ ಕಾರಣಕ್ಕೆ ಜಗಳವಾಡುತ್ತಿರುವುದನ್ನು ಗಮನಿಸಿ ಜಗಳ ಬಿಡಿಸಲು ಪ್ರಯತ್ನಿಸುವ ಸಂದರ್ಭ ರಿಯಾಜ್‌ಗೆ ಚಾಕುವಿನಿದ ಚುಚ್ಚಿರುವುದು ಪ್ರಾಥಮಿಕ ತನಿಖೆಯಲ್ಲಿ ಕಂಡುಬಂದಿದ್ದು ಹಾಗೂ ತನಿಖೆ ಪ್ರಗತಿಯಲ್ಲಿರುತ್ತದೆ.

ಸದರಿ ಪ್ರಕರಣದ ಆರೋಪಿಗಳಾದ ಬೈಲುಕುಪ್ಪೆ ನಿವಾಸಿಯಾದ ತೆನ್ನಿಲ್ ನೋರ್ಬು ಹಾಗೂ ರಾಣಿಪೇಟೆ ನಿವಾಸಿ ಗಣೇಶ್ ಎಂಬುವವರನ್ನು ದಸ್ತಗಿರಿ ಮಾಡಿ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿರುತ್ತದೆ