ಕುಶಾಲನಗರ,ಜು 13: ಟಿಬೆಟಿಯನ್ ಧರ್ಮಗುರು ಓರ್ವರು ಕಳೆದುಕೊಂಡಿದ್ದ ರೂ 60 ಸಾವಿರ ನಗದನ್ನು, ಕುಶಾಲನಗರದ ನಿವಾಸಿ ಚಂದ್ರುರವರು ಹಿಂದಿರುಗಿಸುವ ಮೂಲಕ ಜನರ ಮೆಚ್ಚುಗೆಗೆ ಪಾತ್ರರಾದ ಘಟನೆ ಬುಧವಾರ ನಡೆದಿದೆ. ಕುಶಾಲನಗರದ ಬಿ.ಎಂ ರಸ್ತೆಯಲ್ಲಿರುವ ಚಂದ್ರುರವರ ಚಪ್ಪಲಿ ಮಳಿಗೆಯಲ್ಲಿ ಟಿಬೆಟಿಯನ್ ಧರ್ಮ ಗುರು ಸೆರಜೀರವರು, ಮಂಗಳವಾರ ತಮ್ಮ ಬ್ಯಾಗನ್ನು ಮರೆತು ಹೋಗಿದ್ದಾರೆ. ನಂತರ ಚಂದ್ರುರವರು ಬ್ಯಾಗ್ ನ ಮಾಲೀಕನ ಬಗ್ಗೆ ಯಾವುದೇ ಮಾಹಿತಿ ಇಲ್ಲದಿದ್ದರೂ, ಚಂದ್ರುರವರ ಟಿಬೆಟಿಯನ್ ಸ್ನೇಹಿತರ ಮೂಲಕ ಸೆರಜೀರವರನ್ನು ಪತ್ತೇ ಹಚ್ಚಿದ್ದಾರೆ. ನಂತರ ಬ್ಯಾಗ್ ಮರೆತು ಬಿಟ್ಟಿದ್ದ ಬಗ್ಗೆ ಮಾಹಿತಿ ತಿಳಿಸಿದ ಚಂದ್ರು, ಬ್ಯಾಗ್ ನಲ್ಲಿದ್ದ 60 ಸಾವಿರ ನಗದು ಹಾಗೂ ಬ್ಯಾಗನ್ನು ಹಿಂದಿರುಗಿಸುವ ಮಾನವೀಯತೆ ಮೆರೆದಿದ್ದಾರೆ.
ಚಂದ್ರುರವರ ಈ ಕಾರ್ಯಕ್ಕೆ ಟಿಬೆಟಿಯನ್ ಧರ್ಮಗುರು ಸೆರಜೀರವರು ಕೃತಜ್ಞತೆಯನ್ನು ಸಲ್ಲಿಸಿ, ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ. ಚಂದ್ರುರವರ ಈ ಸತ್ಕಾರ್ಯಕ್ಕೆ ಕುಶಾಲನಗರದ ಜನತೆ ಮೆಚ್ಚುಗೆ ವ್ಯಕ್ತಪಡಿಸಿ ಅಭಿನಂದನೆ ಸಲ್ಲಿಸಿದ್ದಾರೆ.
error: Content is protected !!
