ಸಹಕಾರಿ ಧುರೀಣ ಟಿ.ಆರ್.ಶರವಣಕುಮಾರ್ ಮತ್ತು ತಂಡ ಮಂಥರ್ ಗೌಡರಿಗೆ ಬೆಂಬಲ

ಕುಶಾಲನಗರ, ಏ 20: ಕುಶಾಲನಗರದ ಸಹಕಾರಿ ಧುರೀಣ, ಜೆಡಿಎಸ್ ಮುಖಂಡರಾಗಿದ್ದ ಟಿ.ಆರ್.ಶರವಣಕುಮಾರ್ ಅವರ‌ ನೇತೃತ್ವದ ಸಮಾನ ಮನಸ್ಕರ ತಂಡ ಕಾಂಗ್ರೆಸ್ ಅಭ್ಯರ್ಥಿ ಡಾ.ಮಂಥರ್ ಗೌಡ ಅವರಿಗೆ ಬೆಂಬಲ‌ ನೀಡಲು ನಿರ್ಧರಿಸಿದೆ.

ಖಾಸಗಿ ರೆಸಾರ್ಟ್ ನಲ್ಲಿ ನಡೆದ ಸಭೆಯಲ್ಲಿ ಈ ಬಾರಿ ಮಂಥರ್ ಗೌಡ ಅವರನ್ನು ಬೆಂಬಲಿಸಲು ನಿರ್ಧರಿಸಲಾಗಿದೆ. ತಮ್ಮ ಕ್ಷೇತ್ರದ ಮತದಾರರನ್ನು ಕಾಂಗ್ರೆಸ್ ಪರ ಸೆಳೆಯಲು ಕಾರ್ಯಯೋಜನೆ ಹಮ್ಮಿಕೊಳ್ಳಲಾಗಿದೆ.

ಕೊಡಗಿನ ಎರಡು ಕ್ಷೇತ್ರಗಳಲ್ಲಿ ಕಾಂಗ್ರೆಸ್ ವಿದ್ಯಾವಂತ ಯುವಕರನ್ನು ಕಣಕ್ಕಿಳಿಸಿದ್ದು, ಕೆಲವೊಂದು ಬದಲಾವಣೆ, ಸಮಸ್ಯೆಗಳಿಗೆ ಶಾಶ್ವತ ಪರಿಹಾರ ಲಭಿಸುವ ನಿರೀಕ್ಷೆಯಿದ್ದು, ಅಭಿವೃದ್ಧಿ ಬಯಸಿ ಕಾಂಗ್ರೆಸ್ ಗೆ ಬೆಂಬಲ ನೀಡುತ್ತಿರುವುದಾಗಿ ಶರವಣಕುಮಾರ್ ತಿಳಿಸಿದ್ದಾರೆ.

ಇಲ್ಲಿ ಪಕ್ಷ ಮುಖ್ಯವಲ್ಲ. ಕುಶಾಲನಗರ ಮತ್ತಷ್ಟು ಅಭಿವೃದ್ಧಿ ಕಾಣುವಂತಾಗಬೇಕಿದೆ. ಕೊಡಗಿನ ಹಲವಷ್ಟು ಸಮಸ್ಯೆಗಳು ಶಾಶ್ಚತ ಪರಿಹಾರ ಕಾಣದಾಗಿದೆ. ಈ ಎಲ್ಲಾ ದೃಷ್ಟಿಯಿಂದ ಮಡಿಕೇರಿ ಕ್ಷೇತ್ರದಲ್ಲಿ ಈ ಬಾರಿ ಮಂಥರ್ ಅವರಿಗೆ ಬೆಂಬಲ‌ ನೀಡಲಾಗುವುದು ಎಂದರು.

ಸಮಾನ‌ ಮನಸ್ಕರ ತಂಡದಲ್ಲಿ ಕುಶಾಲನಗರ ಪುರಸಭೆ ಹಾಗೂ ಸುಂಟಿಕೊಪ್ಪ ವ್ಯಾಪ್ತಿಯ ವಿವಿಧ ಪಕ್ಷಗಳ 80 ಕ್ಕೂ ಅಧಿಕ ಮಂದಿ ಪಾಲ್ಗೊಂಡಿದ್ದರು.