ಮುಳ್ಳುಸೋಗೆ ಗ್ರಾಪಂ ಸಂಪೂರ್ಣ ಕಾರ್ಯಭಾರ ಪುರಸಭೆಗೆ ವಿಲೀನ: ಕಡತಗಳ ಹಸ್ತಾಂತರ

ಕುಶಾಲನಗರ, ಜ‌ 09: ಕುಶಾಲನಗರ ಪುರಸಭೆಗೆ ಮುಳ್ಳುಸೋಗೆ ಗ್ರಾಪಂ ವಿಲೀನ ಕಾರ್ಯ ಅಧಿಕೃತವಾಗಿ ಸೋಮವಾರ ನಡೆಯಿತು.
ಗ್ರಾಮ ಪಂಚಾಯತ್ ವ್ಯಾಪ್ತಿಯ ಎಲ್ಲಾ ಸರ್ಕಾರಿ ಸ್ವತ್ತುಗಳು ದಾಖಲೆ ಕಡತಗಳು ಹಾಗೂ ಸಿಬ್ಬಂದಿ ವರ್ಗವನ್ನು ಸೋಮವಾರಪೇಟೆ ತಾಲೂಕು‌ ಇ‌ಒ ಅವರ ಉಪಸ್ಥಿತಿಯಲ್ಲಿ ಗ್ರಾಪಂ ಅಭಿವೃದ್ಧಿ ಅಧಿಕಾರಿ ಸುಮೇಶ್ ಕುಶಾಲನಗರ ಪುರಸಭೆ ಅಧಿಕಾರಿ ಶಿವಪ್ಪ ನಾಯಕ ಅವರಿಗೆ ಹಸ್ತಾಂತರಿಸಿದರು.
ಮುಳ್ಳುಸೋಗೆ ಗ್ರಾಪಂ ಸಂಪೂರ್ಣ ಕಾರ್ಯಭಾರ ಪುರಸಭೆಗೆ ಒಳಪಡಿಸಲಾಯಿತು. ಹಸ್ತಾಂತರಿಸಲಾಗಿದ್ದು ನಾಳೆಯಿಂದ ಪುರಸಭೆ ವತಿಯಿಂದ ಮೂಲಭೂತ ಸೌಲಭ್ಯ ನಿರ್ವಹಣೆ ಮಾಡಲಾಗುವುದು.
ಈ ಸಂದರ್ಭ ತಾಪಂ ಸಹಾಯಕ ನಿರ್ದೇಶಕ ರವೀಶ್, ಪುರಸಭೆ ಮತ್ತು ಗ್ರಾಪಂ ಅಧಿಕಾರಿ, ಸಿಬ್ಬಂದಿ ವರ್ಗದವರು ಇದ್ದರು.