ಹಾರಂಗಿಯಲ್ಲಿ ಸಾಕಾನೆಗಳ ನೂತನ ಶಿಬಿರ: ಭಾಸ್ಕರ್ ನಾಯಕ್ ಪ್ರಯತ್ನಕ್ಕೆ ಸಿಕ್ಕ ಫಲ.

ಕುಶಾಲನಗರ, ಅ 06:ಕುಶಾಲನಗರ ಸಮೀಪದ ಹಾರಂಗಿ ಅಣೆಕಟ್ಟೆ ಒತ್ತಿನಲ್ಲಿ ಹೊಸ ಸಾಕಾನೆ ಶಿಬಿರ ನಿರ್ಮಾಣಗೊಂಡಿದೆ. ಶನಿವಾರ (ಅ.08) ರಂದು ನೂತನ ಶಿಬಿರ ಲೋಕಾರ್ಪಣೆಗೊಳ್ಳಲಿದೆ. ಕೂಡುಮಂಗಳೂರು ಗ್ರಾಪಂ‌ ಉಪಾಧ್ಯಕ್ಷ ಭಾಸ್ಕರ್ ನಾಯಕ್ ಅವರು ಶಾಸಕ ಅಪ್ಪಚ್ಚುರಂಜನ್ ಅವರಿಗೆ ಮನವಿ ಸಲ್ಲಿಸಿ ಹಾರಂಗಿಯಲ್ಲಿ ಸಾಕಾನೆ ಶಿಬಿರ ಪ್ರಾರಂಭಿಸುವಂತೆ ಮನವಿ‌ ಸಲ್ಲಿಸಿದ್ದರು. ಅದರಂತೆ ಹೊಸ ಶಿಬಿರ ನಿರ್ಮಾಣವಾಗಿದ್ದು ದುಬಾರೆಯಿಂದ 6 ಸಾಕಾನೆಗಳನ್ನು ಇಲ್ಲಿಗೆ ಸ್ಥಳಾಂತರಿಸಲಾಗಿದೆ. ಪ್ರವಾಸೋದ್ಯಮಕ್ಕೆ ಒತ್ತು ನೀಡುವ ನಿಟ್ಟಿನಲ್ಲಿ ಕೂಡ ಈ ಶಿಬಿರದಲ್ಲಿ ವಿಶೇಷ ಆಕರ್ಷಣೆಗಳನ್ನು ಸ್ಥಾಪಿಸಲಾಗಿದೆ. 8 ರಂದು ಶಾಸಕ ಅಪ್ಪಚ್ಚುರಂಜನ್ ಹೊಸ ಶಿಬಿರದೊಂದಿಗೆ ಟ್ರೀ ಪಾರ್ಕ್ ಉದ್ಘಾಟಿಸಲಿದ್ದಾರೆ.