ಕರಾಟೆ: ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಕರಾಟೆ & ಯೋಗ ಸಂಸ್ಥೆಯ ವಿದ್ಯಾರ್ಥಿಗಳು ರಾಜ್ಯಮಟ್ಟಕ್ಕೆ

ಕುಶಾಲನಗರ, ಅ 01: ಶಾಲಾ ಶಿಕ್ಷಣ ಮತ್ತು ಸಾಕ್ಷರತೆ ಇಲಾಖೆಯ ವತಿಯಿಂದ ದಿನಾಂಕ 29 ರಂದು ಬಸವನಹಳ್ಳಿ ಮುರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ಜಿಲ್ಲಾ ಮಟ್ಟದ ಕರಾಟೆ ಪಂದ್ಯಾವಳಿಯನ್ನು ಏರ್ಪಡಿಸಲಾಗಿತ್ತು.
ಸದರಿ ಪಂದ್ಯಾವಳಿಯಲ್ಲಿ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಕರಾಟೆ ಮತ್ತು ಯೋಗ ಸಂಸ್ಥೆಯ ಪರವಾಗಿ ಕುಶಾಲನಗರದ ಕರಾಟೆ ವಿದ್ಯಾರ್ಥಿಗಳು 6 ಚಿನ್ನದ ಪದಕ ಮತ್ತು 3 ಬೆಳ್ಳಿ ಪದಕಗಳನ್ನು ಗೆದ್ದು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.
ಮುಕುಂದ್ ಪಿ.ಆರ್, ಹಿತೇಶ್ ಪಿ.ಎ, ಅಭಿನಂದ್ ಎಂ.ಎಲ್, ಮಿಥುನ್ ಆರ್, ರಿಷಿಕಾ ಡಿ.ಎಸ್ ಮತ್ತು ಸೌಹರ್ದ್ ಚಿನ್ನದ ಪದಕ ಪಡೆದರು. ಶ್ರೇಯಸ್ ಪಿ. ಸಿ, ಮುಗಿಲ್ ವರ್ಣನ್, ಪರಿಣಿತ್ ಎನ್ ಬೆಳ್ಳಿ ಪದಕ ಪಡೆದರು. ಈ ವಿದ್ಯಾರ್ಥಿಗಳು ಸಂಕೇತ್ (ಕೂಡಿಗೆ) ಅವರಿಂದ ತರಬೇತಿ ಪಡೆದಿದ್ದಾರೆ.
ವಿದ್ಯಾರ್ಥಿಗಳು ದಕ್ಷಿಣ ಕನ್ನಡ ಜಿಲ್ಲೆಯ ಕಟ್ಟಿಲಿನಲ್ಲಿ ನಡೆಯುವ ರಾಜ್ಯಮಟ್ಟದ ಕರಾಟೆ ಪಂದ್ಯಾವಳಿಗೆ ಆಯ್ಕೆಯಾಗಿರುತ್ತಾರೆ.