ಕುಶಾಲನಗರ, ಸೆ 16: ವಿದ್ಯಾರ್ಥಿಗಳ ಪ್ರತಿಭೆಗಳನ್ನು ಹೊರ ತರುವುದಕ್ಕೆ ಶಿಕ್ಷಕರ ಪಾತ್ರ ಅತ್ಯಂತ ಮುಖ್ಯವಾದದ್ದು, ಎಂದು ಮೈಸೂರು ಜಿಲ್ಲಾ ಕಾಂಗ್ರೆಸ್ ಹಿರಿಯ ಕಾರ್ಯದರ್ಶಿ ಸಮಿವುಲ್ಲ ಖಾನ್ ಹೇಳಿದರು. ಪಿರಿಯಾಪಟ್ಟಣ ತಾಲೂಕಿನ ತಿರುಮಲಾಪುರ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಅಲ್ಮೇರ ಕೊಡುಗೆ ನೀಡುವ ಸಂದರ್ಭದಲ್ಲಿ ಅವರು ಮಾತನಾಡಿದರು. ವಿದ್ಯಾರ್ಥಿಗಳೊಂದಿಗೆ ದಿನಕ್ಕೆ ಆರು ಗಂಟೆಗಳ ಕಾಲ ಸಮಯ ಕಳೆಯುವ ಶಿಕ್ಷಕರು ಮಕ್ಕಳಿಗೆ ಎರಡನೇ ಪೋಷಕರಿದ್ದಂತೆ ಮಕ್ಕಳಿಗೆ ನೀವು ತೋರುವ ಪ್ರೀತಿ, ವಿಶ್ವಾಸ ,ವಿದ್ಯಾಭ್ಯಾಸ, ಮಕ್ಕಳ ಭವಿಷ್ಯದ ಮುಂದಿನ ಕೈಗನ್ನಡಿ ಯಾಗಿರಬೇಕು ಎಂದು ತಿಳಿಸಿದರು.ಇದೇ ಸಂದರ್ಭದಲ್ಲಿ ಶಾಲಾ ವತಿಯಿಂದ, ಸಾರ್ವಜನಿಕರು, ಎಸ್ ಡಿ ಎಂ ಸಿ ತಂಡದಿಂದ ಕೊಡುಗೆ ನೀಡಿದ ಸಮೀ ಅವರನ್ನು ಸನ್ಮಾನಿಸಲಾಯಿತು. ಇದೇ ಸಂದರ್ಭದಲ್ಲಿ ಶಾಲಾ ಮುಖ್ಯ ಶಿಕ್ಷಕ ಮಂಜು ಎಚ್, ಶಿಕ್ಷಕರಾದ ಜ್ಯೋತಿ ಎಂ ಆರ್, ಗಿರೀಶ್, ಶಂಕರ್ ನಾಯಕ್, ಎಸ್ ಡಿ ಎಂ ಸಿ ಅಧ್ಯಕ್ಷ ಕುಮಾರ್, ಗ್ರಾಮ ಪಂಚಾಯಿತಿ ಸದಸ್ಯ ರಾಜು, ಗ್ರಾಮಸ್ಥರಾದ ಮಂಜು ನಾಯಕ ಸೇರಿದಂತೆ ಇತರರು ಇದ್ದರು.
error: Content is protected !!
