ಕುಶಾಲನಗರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ವಿ.ಪಿ.ಶಶಿಧರ್ ಗೆ ಭವ್ಯ ಸ್ವಾಗತ

ಕುಶಾಲನಗರ, ಸೆ 05: ಕುಶಾಲನಗರ ಬ್ಲಾಕ್ ಕಾಂಗ್ರೆಸ್ ಘಟಕದ ನೂತನ ಅಧ್ಯಕ್ಷರಾಗಿ ನೇಮಕವಾದ ವಿ.ಪಿ.ಶಶಿಧರ್ ಅವರನ್ನು ಕುಶಾಲನಗರದ ಪ್ರವೇಶ ದ್ವಾರ ಸೇತುವೆ ಬಳಿ ಆತ್ಮೀಯವಾಗಿ ಬರಮಾಡಿಕೊಂಡ ಕಾಂಗ್ರೆಸ್ ಕಾರ್ಯಕರ್ತರು ಸ್ವಾಗತಿಸಿದರು.

ಈ ಸಂದರ್ಭ ಮಾತನಾಡಿದ ವಿ.ಪಿ.ಶಶಿಧರ್, ಕಾಂಗ್ರೆಸ್ ಪಕ್ಷದ ಕಾರ್ಯಕರ್ತರು ನನ್ನ ಮೇಲಿಟ್ಟಿರುವ ನಿರೀಕ್ಷೆ ಹಾಗು ಅಭಿಮಾನದ ಧ್ಯೋತಕ ಇದಾಗಿದೆ. ಇನ್ನು ಮುಂದೆ ಕುಶಾಲನಗರ ಕಾಂಗ್ರೆಸ್ ಚಟುವಟಿಕೆಗಳ ಆಗರವಾಗಲಿದೆ. ಸಾರ್ವತ್ರಿಕ
ಚುನಾವಣೆಗೆ ಕೆಲವೇ ದಿನಗಳು ಬಾಕಿ ಇರುವ ಈ ಹೊತ್ತಿನಲ್ಲಿ ಪಕ್ಷದ ರಾಜ್ಯಾಧ್ಯಕ್ಷ ಡಿ.ಕೆ.ಶಿವಕುಮಾರ್ ನನ್ನ ಮೇಲಿಟ್ಟಿರುವ ನಿರೀಕ್ಷೆಗಳು ಹುಸಿಯಾಗದಂತೆ ಪಕ್ಷದ ಕಾರ್ಯಕರ್ತರು, ಮುಖಂಡರು, ಕೆಪಿಸಿಸಿ, ಎಐಸಿಸಿ ಪದಾಧಿಕಾರಿಗಳ ವಿಶ್ವಾಸ ಗಳಿಸಿ ಪಕ್ಷವನ್ನು ತಳ ಮಟ್ಟದಿಂದ ಸಂಘಟಿಸಲಾಗುವುದು ಎಂದರು.
ಈ ಸಂದರ್ಭ ಕೊಡಗು ಜಿಲ್ಲಾ ಪಂಚಾಯಿತಿ ಮಾಜಿ ಅಧ್ಯಕ್ಷೆ ಧೀರ್ಘಕೇಶಿ ಶಿವಣ್ಣ, ಮಾಜಿ ಸದಸ್ಯೆ ಸುನೀತಾ, ಪಕ್ಷದ ವಿವಿಧ ಘಟಕಗಳ ಪದಾಧಿಕಾರಿಗಳಾದ ಬಿ.ಜಿ.ಮಂಜುನಾಥ ಗುಂಡೂರಾವ್, ಕುಶಾಲನಗರ ಬ್ಲಾಕ್ ಅಲ್ಪಸಂಖ್ಯಾತ ವಿಭಾಗದ ಅಧ್ಯಕ್ಷ ಅಬ್ದುಲ್ ರಜಾಕ್, ತೆನ್ನೀರಾ ಮೈನಾ, ಕುಶಾಲನಗರ ಪಟ್ಟಣ ಪಂಚಾಯಿತಿ ಸದಸ್ಯರಾದ ಪ್ರಮೋದ್ ಮುತ್ತಪ್ಪ, ಎಂ.ಕೆ.ದಿನೇಶ್, ಖಲೀಮುಲ್ಲಾ, ಮಾಜಿ ಸದಸ್ಯ ಅಬ್ದುಲ್ ಖಾದರ್, ಕೂಡಿಗೆಯ ಬಿ.ಡಿ.ಅಣ್ಣಯ್ಯ ಟಿ.ಪಿ. ಹಮೀದ್, ಹೆಬ್ಬಾಲೆ ತನುಕುಮಾರ್, ಮುಳ್ಳುಸೋಗೆ ಕುಮಾರಸ್ವಾಮಿ, ಎಪಿಎಂಸಿ ಮಾಜಿ ಅಧ್ಯಕ್ಷ ರಮೇಶ್, ಭೀಮಯ್ಯ, ವಿ.ಎಸ್.ಸಜಿ, ಮುಸ್ತಾಫ, ಎನ್.ಟಿ.ಜೋಸೆಫ್, ಕೃಷ್ಣೋಜಿರಾವ್, ಶಾಜಿ ಕೆ. ಜಾರ್ಜ್, ಗರಗಂದೂರು ಹನೀಫ್, ಸಿದ್ದಿಕಿ, ಬಾಬು, ನವೀನ್, ಸ್ವರೂಪ್, ಆರ್.ಚಂದ್ರು ಮೊದಲಾದವರಿದ್ದರು‌.