ಕುಶಾಲನಗರ: ಕಾಣೆಯಾಗಿದ್ದ ಹೇಮಪ್ರಸಾದ್ ಮೃತದೇಹ ಪತ್ತೆ: ಕೊಲೆ ಶಂಕೆ

ಕುಶಾಲನಗರ, ಆ 25: ಕುಶಾಲನಗರ ತಾಲ್ಲೂಕಿನ ಕಣಿವೆ ತೂಗುಸೇತುವೆ ಬಳಿ ವ್ಯಕ್ತಿ ಯೋರ್ವನ‌ ಮೃತದೇಹ ಪತ್ತೆಯಾಗಿದೆ. ಇತ್ತೀಚೆಗೆ ಕಾಣೆಯಾದ ಕುಶಾಲನಗರದ ಬಸವೇಶ್ವರ ಬಡಾವಣೆ ನಿವಾಸಿಯ ಮೃತದೇಹ ಎಂದು ತಿಳಿದುಬಂದಿದ್ದು ಕುಶಾಲನಗರ ಗ್ರಾಮಾಂತರ ಪೊಲೀಸರು ಪರಿಶೀಲನೆ ಕೈಗೊಂಡಿದ್ದಾರೆ. ಮೂಕಾಂಬಿಕ ಆಟೋಮೊಬೈಲ್ ಮಾಲೀಕ‌ ಹೇಮಪ್ರಸಾದ್ ಕೇಶವ ಎಂಬವರು ಇತ್ತೀಚೆಗೆ ಕಾಣೆಯಾಗಿದ್ದರು. ಇವರ ಮೃತದೇಹ ಕಣಿವೆ ಸೇತುವೆ ಕೆಳಭಾಗ ನದಿಯಲ್ಲಿ‌ ಪತ್ತೆಯಾಗಿದೆ‌. ಕೈ ಕಾಲುಗಳನ್ನು ಪ್ಲಾಸ್ಟರ್ ನಿಂದ ಕಟ್ಟಿದ ಸ್ಥಿತಿಯಲ್ಲಿ ಮೃತದೇಹ ಪತ್ತೆಯಾಗಿದ್ದು‌ ಕೊಲೆ ಶಂಕೆ ವ್ಯಕ್ತಗೊಂಡಿದೆ.