ಗುಡ್ಡೆಹೊಸೂರು ಆರ್ ಎಸ್ ಎಸ್ ಶಾಖೆಯಿಂದ ಗುರುಪೂಜೆ ಕಾರ್ಯಕ್ರಮ

ಕುಶಾಲನಗರ, ಜು 19: ಗುಡ್ಡೆಹೊಸೂರು ಆರ್.ಎಸ್.ಎಸ್. ಶಾಖೆಯ ವತಿಯಿಂದ ಗುರುಪೂರ್ಣಿಮ ಅಂಗವಾಗಿ ಗುರು ಪೂಜೆ ಕಾರ್ಯಕ್ರಮ ನಡೆಸಲಾಯಿತು. ಗ್ರಾಮದ ಸಮುದಾಯ
ಭವನದಲ್ಲಿ ನಡೆದ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬಿ.ಎಸ್.ದಿನೇಶ್ ವಹಿಸಿದ್ದರು. ವನವಾಸಿ ಕಲ್ಯಾಣ
ಸಂಘಟನಾ ತಾಲ್ಲೂಕು ಕಾರ್ಯದರ್ಶಿ ಮತ್ತು ವಕೀಲರಾದ ಭರತ್‌ಮಾಚಯ್ಯ ಅವರು ಗುರುಪೂಜೆಯ ಬಗ್ಗೆ ಬೌಧ್ದಿಕ್ ನೀಡಿದರು.
ಈ ಸಂದರ್ಭ ಸುಮಾರು 40 ಕ್ಕೂ ಅಧಿಕ ಸಂಘದ
ಸದಸ್ಯರು ಭಾಗವಹಿಸಿ ಭಗವಧ್ವಜಕ್ಕೆ ಪುಷ್ಪ ನಮನ ಸಲ್ಲಿಸಿದರು.
ಈ ಸಂದರ್ಭ ಸ್ವಯಂ ಸೇವಕ ಸಂಘದ ತಾಲೂಕು ಸಂಘಟನಾ ಕಾರ್ಯದರ್ಶಿ ಬೊಟ್ಟುಮನೆ ರಮೇಶ್, ಬಸವನಹಳ್ಳಿ
ಶಾಖೆಯ ಪ್ರಮುಖ ಮಹೇಂದ್ರ, ಆದೇಶ್, ಜಿ.ಎಂ.ಸಲೀ,ಕುಡೆಕ್ಕಲ್ ನಿತ್ಯನಂದ, ಮಾಜಿ ಸೈನಿಕರಾದ ಕೋಡಿ ಜಯಣ್ಣ, ಕೆ.ಯು.ತಿಮ್ಮಯ್ಯ ಮುಂತಾದವರು ಉಪಸ್ಥಿತರಿದ್ದರು.