ಅನುಗ್ರಹ ಪದವಿ ಕಾಲೇಜಿನಲ್ಲಿ ಕಿರಿಯ ವಿದ್ಯಾರ್ಥಿಗಳಿಗೆ ಸ್ವಾಗತ, ಮತ್ತು ವಿದ್ಯಾರ್ಥಿ ಪರಿಷತ್ ನ ಪದಗ್ರಹಣ

ಕುಶಾಲನಗರ, ಸೆ ,21: ದಿನಾಂಕ 21-09-2024 ರಂದು ಅನುಗ್ರಹ ಪದವಿ ಕಾಲೇಜಿನಲ್ಲಿ ಕಿರಿಯ ವಿದ್ಯಾರ್ಥಿಗಳಿಗೆ ಸ್ವಾಗತ ಕಾರ್ಯಕ್ರಮ ಮತ್ತು ವಿದ್ಯಾರ್ಥಿ ಪರಿಷತ್ ನ ಪದಗ್ರಹಣ ಕಾರ್ಯಕ್ರಮ ನಡೆಯಿತು.ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ.ಹೆಚ್ ಬಿ ಲಿಂಗಮೂರ್ತಿಯವರು ವಹಿಸಿದ್ದರು. ಕಾರ್ಯಕ್ರಮದ ಉದ್ಘಾಟನೆಯನ್ನು ಶ್ರೀಯುತ ಎಸ್ ಕೆ ಸತೀಶ್ ರವರು ನೆರವೇರಿಸಿದರು.ಮುಖ್ಯ ಅತಿಥಿಗಳಾಗಿ ಶಕ್ತಿ ದಿನಪತ್ರಿಕೆಯ ಸಲಹಾ ಸಂಪಾದಕರಾದ ಬಿ.ಜಿ ಅನಂತಶಯನರವರು ಆಗಮಿಸಿ ವಿದ್ಯಾರ್ಥಿಗಳಿಗೆ ಹಲವು ಸ್ಫೂರ್ತಿದಾಯಕ ಕತೆಗಳನ್ನು ಹೇಳುವ ಮೂಲಕ ಹುರಿದುಂಬಿಸಿದರು. ಉಪನ್ಯಾಸಕಿ ಲೀಲಾಕುಮಾರಿ ತೊಡಿಕಾನ‌ ಸರ್ವರನ್ನೂ ಸ್ವಾಗತಿಸಿ ವಿದ್ಯಾರ್ಥಿನಿ ಅಂಜು ವಂದಿಸಿದರು.ಉಪನ್ಯಾಸಕರಾದ ನೌಶದ್ ಕಾರ್ಯಕ್ರಮವನ್ನು ನಿರೂಪಿಸಿದರು. ವೇದಿಕೆಯಲ್ಲಿ ಮುಜರಾಯಿ ಇಲಾಖೆಯ ನಿವೃತ ವ್ಯವಸ್ಥಾಪಕರಾದ ಶ್ರೀಯುತ ಸಂಪತ್ ಕುಮಾರ್ , ಶ್ರೀಮತಿ ಶೋಭ ಸತೀಶ್, ಶ್ರೀಮತಿ ಶ್ಯಾಮಲ ನಾಗೇಂದ್ರ ಬಾಬು, ಉಪನ್ಯಾಸಕಿಯರಾದ ಶ್ರೀಮತಿ ಹರ್ಷಿತ ಲೀಲಾಕುಮಾರಿ ತೊಡಿಕಾನ ಶ್ರೀಮತಿ ಶ್ವೇತ ರವರು ಉಪಸ್ಥಿತರಿದ್ದರು.