ಶಿಥಿಲ‌ಕಟ್ಟಡ ತೆರವುಗೊಳಿಸಲು ಕುಶಾಲನಗರ ಪುರಸಭೆಯಿಂದ ನೋಟಿಸ್ ಜಾರಿ

ಕುಶಾಲನಗರ, ಜೂ 21: ಕುಶಾಲನಗರ 1ನೇ ಬ್ಲಾಕ್, ದಂಡಿನಪೇಟೆಯಲ್ಲಿ  ಹಳೆಯದಾದ ಹೆಂಚಿನ ಕಟ್ಟಡವು ತುಂಬಾ ಶಿಥಿಲಗೊಂಡಿದ್ದು ಕಟ್ಟಡ ತೆರವುಗೊಳಿಸಲು ಪುರಸಭೆ ವತಿಯಿಂದ ಮಾಲೀಕರಿಗೆ‌ ನೋಟಿಸ್ ಜಾರಿ ಮಾಡಲಾಗಿದೆ.

ಸರ್ವೆ ನಂಬರ್ 22/1ಎ, 22/22, 22/32, 22/42, 22/52, 22/62, 22/72, 78/12, 78/22, 78/32, 136/12, 136/22 ಹಳೆಯದಾದ ಹೆಂಚಿನ ಕಟ್ಟಡವು ತುಂಬಾ ಶಿಥಿಲಗೊಂಡಿದ್ದು ಪ್ರಸ್ತುತ ಮಳೆಗಾಲವಿರುವುದರಿಂದ ಯಾವುದೇ ಸಮಯದಲ್ಲಿಯೂ ಬೀಳುವ ಹಂತದಲ್ಲಿರುವುದು ಕಂಡು ಬಂದಿರುತ್ತದೆ. ಸದರಿ ಮನೆಯಲ್ಲಿ ಕೆಲವು ಜನರು ವಾಸವಾಗಿದ್ದು ಪ್ರಾಣ ಹಾನಿಯಾಗುವ ಸಂಭವವಿರುವುದರಿಂದ ಈ ನೋಟೀಸ್ ತಲುಪಿದ ಕೂಡಲೇ ಸದರಿ ಬೀಳುವ ಹಂತದಲ್ಲಿರುವ ಕಟ್ಟಡದಿಂದ ವಾಸವಾಗಿರುವ ಜನರನ್ನು ಖುಲ್ಲಾಪಡಿಸಿ ಕಟ್ಟಡವನ್ನು ತೆರೆವುಗೊಳಿಸುವಂತೆ ನೋಟಿಸ್ ನಲ್ಲಿ ತಿಳಿಯಪಡಿಸಿದೆ. ತಪ್ಪಿದ್ದಲಿ ಮುಂದೆ ಸಂಭವಿಸುವ ಪ್ರಾಣಹಾನಿ ಹಾಗೂ ಕಷ್ಟನಷ್ಟಗಳಿಗೆ ಮಾಲೀಕರನ್ನು ನೇರ ಹೊಣೆಗಾರರನ್ನಾಗಿಸಿ ಕಾನೂನು ರೀತ್ಯಾ ಕ್ರಮವಹಿಸಲಾಗುವುದು ಎಂಬುದಾಗಿ ಎಚ್ಚರಿಸಲಾಗಿದೆ.