ಕುಶಾಲನಗರ: ಕೊಡಗಿನಲ್ಲಿ ಮಳೆ ಆರ್ಭಟ ಹೆಚ್ಚಾಗಿದ್ದು ಕುಶಾಲನಗರ ತಾಲೂಕಿನ ನಂಜರಾಯಪಟ್ಟಣ ಗ್ರಾಪಂ ವ್ಯಾಪ್ತಿಯ ವಿರುಪಾಕ್ಷಪುರ ಗ್ರಾಮದಲ್ಲಿ ಭಾರೀ ಮಳೆಗೆ 3 ಮನೆಗಳು ಹಾನಿಗೊಳಗಾಗಿವೆ.
ತೀರಾ ಕಡುಬಡ ಕುಟುಂಬಗಳ ಮನೆಗಳು ಜಖಂಗೊಂಡಿದ್ದು ನಿವಾಸಿಗಳು ತೀವ್ರ ಸಂಕಷ್ಟಕ್ಕೆ ಒಳಗಾಗಿದ್ದಾರೆ. ನಂಜರಾಯಪಟ್ಟಣ ಗ್ರಾಪಂ ಅಧ್ಯಕ್ಷ ಸಿ.ಎಲ್.ವಿಶ್ವ, ಪಿಡಿಒ ಕಲ್ಪ, ಸದಸ್ಯೆ ಗಿರಿಜಮ್ಮ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಶೀಘ್ರದಲ್ಲೇ ಅಗತ್ಯ ಪರಿಹಾರ ಒದಗಿಸುವುದಾಗಿ ಮನೆ ಮಾಲೀಕರಾದ ಗೌರಮ್ಮ, ಚೆನ್ನ ಹಾಗೂ ಶೇಖರ್ ಅವರಿಗೆ ಧೈರ್ಯ ತುಂಬಿದರು.
