ಕುಶಾಲನಗರ ಮಾ11 : ಕೂರ್ಗ್ ವಾಟರ್ ಪಾರ್ಕ್ ಆಶ್ರಯದಲ್ಲಿ ಕುಶಾಲನಗರದ ಜಾತ್ರಾ ಮೈದಾನದಲ್ಲಿ ನಡೆದ ಮೂರನೇ ವರ್ಷದ ಲೆಜೆಂಡ್ ಪ್ರೀಮಿಯರ್ ಲೀಗ್ ಕ್ರಿಕೆಟ್ ಟೂರ್ನಿ ಸಮಾರೋಪ ಸಮಾರಂಭ ನಡೆಯಿತು.
ಐದು ದಿನಗಳ ಕಾಲ ಹಗಲಿರುಳು ನಡೆದ ಹೊನಲು ಬೆಳಕಿನ ಪಂದ್ಯಾಟದಲ್ಲಿ ಒಟ್ಟು ಹನ್ನೆರಡು ತಂಡಗಳು ಭಾಗವಹಿಸಿದ್ದವು.
ಭಾನುವಾರ ರಾತ್ರಿ ನಡೆದ ಫೈನಲ್ ಪಂದ್ಯದಲ್ಲಿ ಕುಶಾಲನಗರ ಪುರಸಭಾ ಸದಸ್ಯ ಪ್ರಮೋದ್ ಮುತ್ತಪ್ಪ ಮಾಲಿಕತ್ವದ ಉಲ್ಲಾಸ್ ನಾಯಕತ್ವದ ರಾಯಲ್ ಗ್ಯಾಲಕ್ಸಿ ತಂಡ ಪ್ರಥಮ ಸ್ಥಾನ ಪಡೆಯಿತು.
ಕಿರಣ್ ಮಾಲಿಕತ್ವದ ಹರೀಶ್ ನಾಯಕತ್ವದ ಹರ್ಷಲ್ ಫ್ರೆಂಡ್ಸ್ ತಂಡ ದ್ವಿತೀಯ, ನವೀನ್ ಮಾಲಿಕತ್ವದ ಪೆಮ್ಮಯ್ಯ ನಾಯಕತ್ವದ ಟೀಂ ಪೆಪ್ಸಿ ತಂಡ ತೃತೀಯ ಹಾಗೂ ವೈಡ್ ಕ್ಯಾಟ್ ತಂಡ ನಾಲ್ಕನೇ ಸ್ಥಾನ ಪಡೆಯಿತು.
ಬಹುಮಾನ ವಿತರಣಾ ಕಾರ್ಯಕ್ರಮದಲ್ಲಿ ಕೂರ್ಗ್ ವಾಟರ್ ಪಾರ್ಕ್ ಮಾಲೀಕ ಲಕ್ಷ್ಮಿ ನಾರಾಯಣ, ಪುರಸಭಾ ಸದಸ್ಯ ಪ್ರಮೋದ್ ಮುತ್ತಪ್ಪ, ಅಭಿಯಂತರಾದ ಸೈಜನ್ ಪೀಟರ್, ಡಿ.ಡಿ.ಕಿರಣ್ ಹಾಗೂ ಎಲ್ಲಾ ತಂಡಗಳ ತಂಡದ ಮಾಲೀಕರು ನಾಯಕರು, ಕ್ರೀಡಾಪಟುಗಳು ಇದ್ದರು.
error: Content is protected !!
