ಹೆರೂರಿನಲ್ಲಿ ಕಾಡಾನೆ ಹಾವಳಿ:ಬೆಳೆ ನಾಶ

ಕುಶಾಲನಗರ ಜ 19:  ನಾಕೂರು-ಶಿರಂಗಾಲ ಗ್ರಾಪಂ ವ್ಯಾಪ್ತಿಯ ಹೆರೂರಿನಲ್ಲಿ ಕಾಡಾನೆ ಹಾವಳಿ ಮಿತಿಮೀರಿದೆ.
ಈ ವ್ಯಾಪ್ತಿಯಲ್ಲಿ ಕಳೆದ ಒಂದೂವರೆ ತಿಂಗಳಿನಿಂದ ಅಡ್ಡಾಡುತ್ತಿರುವ ಕಾಡಾನೆಯೊಂದು ತೋಟಗಳಿಗೆ ಲಗ್ಗೆಯಿಟ್ಟು ಕೃಷಿ ಫಲಸನ್ನು ನಾಶಗೊಳಿಸುತ್ತಿದೆ ಎಂದು ಬೆಳೆಗಾರರು ಅಳಲು ತೋಡಿಕೊಂಡಿದ್ದಾರೆ.
ಗ್ರಾಮದ ಚಂದ್ರಶೇಖರ್ ಎಂಬವರ ತೋಟದಲ್ಲಿ 20 ಕ್ಕೂ ಅಡಿಕೆ ಗಿಡಗಳನ್ನು‌ ನೆಲಸಮಗೊಳಿಸಿರುವ‌ ಕಾಡಾನೆ‌ ಮೂರ್ನಾಲ್ಕು ಚೀಲಗಳಷ್ಟು ಕಾಫಿ ಹಣ್ಣನ್ನು ಗಿಡಗಳಲ್ಲೇ ತಿಂದು‌ ಮುಗಿಸಿದೆ. ಇದರ ಜೊತೆ ಬೆಳೆದು ನಿಂತಿದ್ದು ಅಡಿಕೆ ಗಿಡಗಳನ್ನು ನೆಲಕ್ಕುರುಳಿಸಿದೆ. ಇದಲ್ಲದೆ‌‌ ಸಮೀಪದ ಅರುಣ್ ಕುಮಾರ್ ಎಂಬವರ‌ ಜಮೀನಿನಲ್ಲಿ ಕೂಡ ಕಾಡಾನೆ ಉಪಟಳ ನೀಡುತ್ತಿದ್ದು ತೋಟದ ಬೇಲಿಯನ್ನು ಹಾನಿಗೊಳಿಸುತ್ತಿರುವುದಾಗಿ ಆಕ್ರೋಷ ವ್ಯಕ್ತಪಡಿಸಿದ್ದಾರೆ.