ಕುಶಾಲನಗರ ಜಾತ್ರಾ‌ ಮೈದಾನ ಪ್ರದೇಶದಲ್ಲಿ ಕಸದ ರಾಶಿ

ಕುಶಾಲನಗರ, ಜ 10: ಕುಶಾಲನಗರ ಗುಂಡುರಾವ್ ಬಡಾವಣೆಯಿಂದ ಜಾತ್ರಾ ಮೈದಾನಕ್ಕೆ ತೆರಳುವ ರಸ್ತೆ‌‌ ಬದಿಯಲ್ಲಿ ಕಿಡಿಗೇಡಿಗಳು ಕಸದ ಬೃಹತ್ ರಾಶಿ ಇಳಿಸಿ ಹೋಗಿರುವುದು ಕಂಡುಬಂದಿದೆ. ಪ್ಲಾಸ್ಟಿಕ್ ಚೀಲಗಳಲ್ಲಿ ಬೃಹತ್ ಪ್ರಮಾಣದ ಕಸವನ್ನು ತುಂಬಿ ರಸ್ತೆ ಬದಿ ಎಸೆದು ಹೋಗಿರುವುದು ಕಂಡು ಬಂದಿದೆ. ಈ ಘಟನೆಯನ್ನು ಪುರಸಭೆ ಸದಸ್ಯ ಎಂ.ಕೆ.ದಿನೇಶ್ ಖಂಡಿಸಿದ್ದು, ಕಸದ ರಾಶಿಯಿಂದ ಸ್ವಚ್ಛತೆಗೆ ಧಕ್ಕೆ‌ ಉಂಟುಮಾಡಿರುವ ಕಿಡಿಗೇಡಿಗಳ ಪತ್ತೆಗೆ ಮುಂದಾಗಿದ್ದಾರೆ.