ಕೂಡುಮಂಗಳೂರು ಗ್ರಾಪಂ ಮತದಾನ ಅಣುಕು ಪ್ರದರ್ಶನ

ಕುಶಾಲನಗರ ಡಿ 9: ಚುನಾವಣಾ ಆಯೋಗದ ನಿರ್ದೇಶನದಂತೆ ಜಿಲ್ಲಾಧಿಕಾರಿ ಸೂಚನೆಯಂತೆ ಕೂಡುಮಂಗಳೂರು ಗ್ರಾಮ ಪಂಚಾಯತಿಯ ನಾಲ್ಕು ಮತಗಟ್ಟೆಯ ವ್ಯಾಪ್ತಿಯ ಮತದಾರರಿಗೆ ಮತದಾನದ ಇ. ವಿ.ಎಂ. ಮಿಷನ್ ಬಗ್ಗೆ ಜಾಗೃತಿ ಅರಿವು ಕಾರ್ಯಕ್ರಮವು ಕೂಡುಮಂಗಳೂರು ಗ್ರಾಮ ಪಂಚಾಯತಿ ಸಭಾಂಗಣದಲ್ಲಿ ನಡೆಯಿತು.
ಕಾರ್ಯಕ್ರಮಕ್ಕೆ ಕೂಡುಮಂಗಳೂರು ಗ್ರಾಮ ಪಂಚಾಯತಿ ಅಧ್ಯಕ್ಷ ಭಾಸ್ಕರ್ ನಾಯಕ್ ಚಾಲನೆ ನೀಡಿದರು. ಚುನಾವಣಾ ಸಮಯ ನಡೆಯುವ ಮಾದರಿಯಲ್ಲಿ 155,156,157,158, ಮತಗಟ್ಟೆಯ ಮತದಾರರು ಮತ ಚಲಾಯಿಸಿದ ನಂತರ ತಮ್ಮ ತಮ್ಮ ಮತದಾನ ಕ್ರಮಬದ್ಧವಾಗಿದೆಯೇ ಎಂದು ಪರೀಕ್ಷಿಸಿಕೊಳ್ಳುವ, ಇ.ವಿ.ಎಂ. ವಿದ್ಯುತ್ ಮತಯಂತ್ರದ ಬಗ್ಗೆ ಜಾಗೃತಿ ಮೂಡಿಸುವ ಕಾರ್ಯ ನಡೆಯಿತು.
ಈ ಸಂದರ್ಭದಲ್ಲಿ ಸೆಕ್ಟರ್ ಅಧಿಕಾರಿಯಾದ ಹಾರಂಗಿ ನೀರಾವರಿ ಇಲಾಖೆಯ ಸಹಾಯಕ ಕಾರ್ಯಪಾಲಕ ಅಭಿಯಂತರ ಇ. ಪುಟ್ಟಸ್ವಾಮಿ, ಅಭಿವೃದ್ಧಿ ಅಧಿಕಾರಿ ಸಂತೋಷ್, ಪೊಲೀಸ್ ಅಧಿಕಾರಿ ಉದಯ್ ಸೇರಿದಂತೆ ವಿವಿಧ ಸಂಘದ ಸಂಸ್ಥೆಯ ಪದಾಧಿಕಾರಿಗಳು ಹಾಜರಿದ್ದರು.