ಕುಶಾಲನಗರ, ನ 19: ಕನ್ನಡ ರಾಜ್ಯೋತ್ಸವ ಅಂಗವಾಗಿ ಕುಶಾಲನಗರ ತಾಲೂಕು ಆಟೋ ಚಾಲಕರು ಮಾಲೀಕರ ಸಂಘದ ಆಶ್ರಯದಲ್ಲಿ ಗುಂಡುರಾವ್ ಬಡಾವಣೆ ಜಾತ್ರಾ ಮೈದಾನದಲ್ಲಿ ಆಟೋ ಚಾಲಕರಿಗೆ,ಮಾಲೀಕರಿಗೆ ಕಬ್ಬಡಿ ಪಂದ್ಯಾಟ ಹಾಗೂ ಮುಕ್ತ ಹಗ್ಗಜಗ್ಗಾಟ ಸ್ಪರ್ಧೆ ಹಮ್ಮಿಕೊಳ್ಳಲಾಗಿತ್ತು.
ಸಂಘದ ಅಧ್ಯಕ್ಷ ಕೃಷ್ಣದರ್ಶನ್ (ಕಿಟ್ಟಿ) ಕ್ರೀಡಾಕೂಟ ಉದ್ಘಾಟಿಸಿದರು.
ಸಂಘದ ಪದಾಧಿಕಾರಿಗಳು ಆಟಗಾರರಿಗೆ ಶುಭ ಕೋರಿ ಪಂದ್ಯಾಟಕ್ಕೆ ಚಾಲನೆ ನೀಡಿದರು.
ಈ ಸಂದರ್ಭ ಸಂಘದ ಮಾಜಿ ಅಧ್ಯಕ್ಷರಾದ ಆರ್.ಮೋಹನ್, ಮಹೇಶ್, ಸಂಘದ ಕಾರ್ಯಾಧ್ಯಕ್ಷ ಕೆ.ಟಿ.ಯೋಗೇಶ್, ಉಪಾಧ್ಯಕ್ಷರಾದ ದೇವರಾಜ್ (ಜವರ), ಮಾದೇಗೌಡ, ಗಣೇಶ್,
ಪ್ರಧಾನ ಕಾರ್ಯದರ್ಶಿ ಸಂತೋಷ್ ಕುಮಾರ್, ಗೌಡ, ಕಾರ್ಯದರ್ಶಿ ಪ್ರಸನ್ನ (ಬಾಂಡ್), ಸಹ ಕಾರ್ಯದರ್ಶಿ ನವೀನ್ ಕುಮಾರ್, ಖಜಾಂಚಿ ಮುನೀರ್, ಪ್ರಮುಖರಾದ ದಿನೇಶ್, ಮಂಜು ಬೆಳ್ಳುಳ್ಳಿ, ಗಣೇಶ್, ಪುರಸಭೆ ಸದಸ್ಯ ಜಗದೀಶ್ ಇದ್ದರು.
ತಾಲೂಕಿನಾಧ್ಯಂತ 200 ಕ್ಕೂ ಅಧಿಕ ಮಂದಿ ಚಾಲಕರು ಪಾಲ್ಗೊಂಡಿದ್ದರು.
ತೀರ್ಪುಗಾರರಾಗಿ ಪ್ರದೀಪ್, ಮಧು, ಆದರ್ಶ್ ಕಾರ್ಯನಿರ್ವಹಿಸಿದರು.
ನ 25,26 ರಂದು ಕುಶಾಲನಗರದಲ್ಲಿ ಅದ್ದೂರಿ ಕನ್ನಡ ರಾಜ್ಯೋತ್ಸವ, ಮೆರವಣಿಗೆ, ಸಾಂಸ್ಕೃತಿಕ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
error: Content is protected !!
