ನಂಜರಾಯಪಟ್ಟಣ: 1.90 ಲಕ್ಷ ವೆಚ್ಚದ ರಂಗಮಂಟಪ‌ ಲೋಕಾರ್ಪಣೆ

ಕುಶಾಲನಗರ, ಆ 17: ನಂಜರಾಯಪಟ್ಟಣ ಗ್ರಾಪಂ‌ ವತಿಯಿಂದ 1.90 ಲಕ್ಷ ವೆಚ್ಚದಲ್ಲಿ ಗ್ರಾಮದ ಸರಕಾರಿ ಮಾದರಿ ಪ್ರಾಥಮಿಕ ಶಾಲೆಯಲ್ಲಿ ನೂತನವಾಗಿ‌ ನಿರ್ಮಿಸಿರುವ ಬಯಲು ರಂಗಮಂಟಪ ಲೋಕಾರ್ಪಣೆಗೊಳಿಸಲಾಯಿತು.
ಗ್ರಾಮ ಪಂಚಾಯಿತಿಯ ಅಧ್ಯಕ್ಷ ಸಿ.ಎಲ್. ವಿಶ್ವ ಬಯಲು ರಂಗಮಂಟಪದ ಉದ್ಘಾಟಿಸಿದರು.
ದುಬೈ ಕನ್ನಡ ಸಂಘಟನೆ ವತಿಯಿಂದ ಕೋಡಿಮನೆ ಸುಭಾಷ್ ಮತ್ತು ಜಯಮ್ಮನವರ ಮಗನಾದ ಹರೀಶ್ ರವರು ಶಾಲೆಗೆ ನೀಡಿದ 50 ಸಾವಿರ ಮೌಲ್ಯದ ಪ್ರೊಜೆಕ್ಟರ್ ಮತ್ತು ಲಾಪ್ಟಾಪ್ ಅನ್ನು‌ ನಿವೃತ್ತ ಮುಖ್ಯೋಪಾಧ್ಯಾಯರಾದ ಮೂಟೇರ ನಂಜುಂಡ ಶಾಲೆಗೆ ಹಸ್ತಾಂತರಿಸಿದರು.
ಸಮಾರಂಭದಲ್ಲಿ ನಿವೃತ್ತ ಮುಖ್ಯೋಪಾಧ್ಯಾಯರಾದ ನಂಜುಂಡ ಹಾಗೂ ದಾನಿಗಳಾದ ಹಡ್ಲಳಿ ರುದ್ರಪ್ಪ ಅವರುಗಳನ್ನು ಸನ್ಮಾನಿಸಲಾಯಿತು.
ದಾನಿಗಳಾದ ವಿಶಾಲ್ ಕಮೊಡಿಟಿಯ ಪುನೀತ್ ಮತ್ತು ಆನಂದ್, ಎಸ್.ಡಿ.ಎಂ.ಸಿ.ಅಧ್ಯಕ್ಷ ಮೋಹನ್ ಕುಮಾರ್, ಸಿಆರ್ಪಿ ವೈಶಾಲಿ, ಗ್ರಾಪಂ ಉಪಾಧ್ಯಕ್ಷರು, ಸದಸ್ಯರು ಮತ್ತು ಶಾಲಾಭಿವೃದ್ದಿ ಸಮಿತಿ ಸದಸ್ಯರು ಸದಸ್ಯರು‌ ಪಾಲ್ಗೊಂಡಿದ್ದರು.