ಶಬರಿಮಲೆ ಯಾತ್ರಿಗಳ‌ ವಾಹನ ಅಪಘಾತ: ಚಾಲಕ ದುರ್ಮರಣ

ಕುಶಾಲನಗರ: ಡಿ 27 ಕುಶಾಲನಗರದಿಂದ ಶಬರಿಮಲೆಗೆ ತೆರಳಿದ್ದರ ವಾಹನ ಅಪಘಾತದಲ್ಲಿ ಚಾಲಕ ಮೃತಪಟ್ಟ ಘಟನೆ ಬುಧವಾರ ನಡೆದಿದೆ.
ಕುಶಾಲನಗರ-ಹಾರಂಗಿ ರಸ್ತೆಯ ದೊಡ್ಡತ್ತೂರು‌ ನಿವಾಸಿ ಕುಂಞರಾಮು ಎಂಬವರ ಪುತ್ರ ಚಂದ್ರು (50) ಮೃತ ದುರ್ದೈವಿ.
ನಾಲ್ವರಿದ್ದ ಕಾರು ಶಬರಿಮಲೆಯಿಂದ ಹಿಂದಿರುವಾಗ ಎರ್ನಾಕುಳಂ ಜಿಲ್ಲೆಯ ಅಂಗಮಾಲಿ ಪೆರುಂಬೂರ್ ಬಳಿ ನಿಯಂತ್ರಣ‌ ಕಳೆದುಕೊಂಡು ಮರಕ್ಕೆ ಡಿಕ್ಕಿಯಾಗಿದೆ. ಈ ಸಂದರ್ಭ ಚಾಲಕ ಚಂದ್ರು ಸ್ಥಳದಲ್ಲೇ ಮೃತಪಟ್ಟಿದ್ದು ಕಾರಿನಲ್ಲಿದ್ದ ಲಿಂಗಂ, ಹರೀಶ್, ಸಂತೋಷ್ ಎಂಬವರನ್ನು ಸ್ಥಳೀಯ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಿಸಲಾಗಿದೆ.
ಮೃತ ಚಂದ್ರು ಪತ್ನಿ‌ ಹಾಗೂ ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.
2