ಗೋಣಿಕೊಪ್ಪ ಸರ್ಕಾರಿ ಮಾದರಿ ಪ್ರಾಥಮಿಕ ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ದಂತ ತಪಾಸಣೆ ಶಿಬಿರ

ಕುಶಾಲನಗರ, ಡಿ 12: ಗೋಣಿಕೊಪ್ಪಲಿನ ಸೀನಿಯರ್ ಚೇಂಬರ್ ಇಂಟರ್ನ್ಯಾಷನಲ್ ಸಂಸ್ಥೆ ವತಿಯಿಂದ ಗೋಣಿಕೊಪ್ಪ ಸರ್ಕಾರಿ ಮಾದರಿ ಪ್ರಾಥಮಿಕ ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ದಂತ ತಪಾಸಣೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ಕಾರ್ಯಕ್ರಮದ ಉದ್ಘಾಟನೆಯ ಕಾರ್ಯಕ್ರಮವನ್ನು ಗಿಡಕ್ಕೆ ನೀರು ಹಾಕುವುದರ ಮೂಲಕ ಉದ್ಘಾಟಿಸಲಾಯಿತು.

ಸೀನಿಯರ್ ಚೇಂಬರ್ ಇಂಟರ್ನ್ಯಾಷನಲ್ ಗೋಣಿಕೊಪ್ಪಲುವಿನ ಅಧ್ಯಕ್ಷ ಡಾಕ್ಟರ್ ಶರತ್ ಕುಮಾರ್ ಹಾಗೂ ಸಂಸ್ಥೆಯ ಖಜಾಂಚಿ ಆಂಟೋನಿ, ಸೀನಿಯರ್ ಬಾಲಕೃಷ್ಣ, ಸೀನಿಯರ್ ಕಾಂತರಾಜು ಸೀನಿಯರ್ ಸಚಿನ್ ಹಾಗೂ ಗೋಣಿಕೊಪ್ಪಲುವಿನ ಖ್ಯಾತ ದಂತ ವೈದ್ಯರಾದ ಡಾಕ್ಟರ್ ಆಶಿಕ್ ಚಂಗಪ್ಪನವರು ಹಾಗೂ ವಿರಾಜಪೇಟೆಯ ದಂತ ವೈದ್ಯ ಕಾಲೇಜಿನ ವೈದ್ಯರುಗಳು ಈ ಶಿಬಿರದಲ್ಲಿ ಭಾಗವಹಿಸಿದ್ದರು.

ಗ್ರಾಮ ಪಂಚಾಯಿತಿಯ ಅಧ್ಯಕ್ಷೆ  ಸೌಮ್ಯ ಬಾಲು, ಸದಸ್ಯರಾದ  ಪ್ರಕಾಶ್  ಹಾಗೂ ವಿರಾಜಪೇಟೆ ತಾಲೂಕಿನ ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ ಪ್ರಕಾಶ್  ಮಕ್ಕಳನ್ನು ಉದ್ದೇಶಿಸಿ ಮಾತನಾಡಿದರು. ಹಲ್ಲುಗಳ ರಕ್ಷಣೆ ಪ್ರತಿಯೊಬ್ಬರ ಕರ್ತವ್ಯವಾಗಿದೆ ಅದನ್ನ ರಕ್ಷಣೆ ಮಾಡುವುದು ಹಾಗೂ ಅದನ್ನ ಸ್ವಚ್ಛತೆಗೊಳಿಸುವುದು ಅತಿ ಮುಖ್ಯವಾಗಿದೆ ಎಂದು ಅದರ ಮಾಹಿತಿಯನ್ನು ತಿಳಿಸಿಕೊಟ್ಟರು.

 ವಿರಾಜಪೇಟೆಯ ದಂತ ವೈದ್ಯ ಕಾಲೇಜಿನ ವೈದ್ಯರಾದ ಕುಮಾರಿ ಕೀರ್ತಿ ಮಕ್ಕಳನ್ನು ಉದ್ದೇಶಿಸಿ ಹಲ್ಲನ್ನು ಸ್ವಚ್ಛಗೊಳಿಸುವುದು ಹೇಗೆ ಎಂಬುದರ ವಿವರಣೆಯನ್ನು ನೀಡಿದರು. ಪ್ರತಿಯೊಬ್ಬರು ದಿನಕ್ಕೆ ಎರಡು ಬಾರಿ ಹಲ್ಲುಗಳನ್ನು ಸ್ವಚ್ಛಗೊಳಿಸುವಂತೆ ತಿಳಿ ಪಡಿಸಿದರು ಅಲ್ಲದೆ ಯಾವ ರೀತಿಯಲ್ಲಿ ಹಲ್ಲುಗಳನ್ನು ಸ್ವಚ್ಛಪಡಿಸಬೇಕು ಎಂಬುದನ್ನು ಪ್ರಾಯೋಗಿಕವಾಗಿ ತಿಳಿಯಪಡಿಸಿಕೊಟ್ಟರು ಕಾರ್ಯಕ್ರಮದ ಮೊದಲಿಗೆ ಶಾಲೆಯ ಮುಖ್ಯ ಶಿಕ್ಷಕರಾದ ಶ್ರೀಯುತ ಎಚ್ ಕೆ ಕುಮಾರ್ ಅವರು ಮಾತನಾಡಿ ಈ ಒಂದು ಕಾರ್ಯಕ್ರಮ ನಮ್ಮ ಶಾಲೆಯಲ್ಲಿ ನಡೆಯುತ್ತಿರುವುದು ತುಂಬಾ ತುಂಬಾ ಸಂತೋಷ ತಂದಿದೆ ಹಾಗೆ ನಮ್ಮ ಮಕ್ಕಳ ಹಲ್ಲುಗಳ ಜಾಗೃತಿಯ ಬಗ್ಗೆ ಈ ಕಾರ್ಯಕ್ರಮವು ಅತ್ಯಂತ ಉಪಯುಕ್ತವಾಗಿದೆ ಆದುದರಿಂದ ಇನ್ನು ಮುಂದಕ್ಕೂ ಈ ಕಾರ್ಯಕ್ರಮಗಳು ನಮ್ಮ ಶಾಲೆಯಲ್ಲಿ ನಡೆಯುತ್ತಾ ಇರಬೇಕೆಂದು ಕೇಳಿಕೊಂಡರು.

ಶಾಲೆಯ ಶಾಲಾ ಅಭಿವೃದ್ಧಿ ಮತ್ತು ಮೇಲುಸ್ತುವಾರಿ ಸಮಿತಿಯ ಅಧ್ಯಕ್ಷ ಕೆ. ಆರ್. ಶಾಂತಿ ಉಪಸ್ಥಿತಿ ಇದ್ದರು. ನಿರೂಪಣೆಯನ್ನು ಎಂ.ಸಿ. ಇಂದಿರಾ ನೆರವೇರಿಸಿದರು. ಹಾಗೆ ಶಾಲೆಯ ಎಲ್ಲಾ ಶಿಕ್ಷಕರ ವೃಂದ ಹಾಗೂ ಮಕ್ಕಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.