ಶ್ರೀ ಶನಿಚ್ವರ ದೇವಾಲಯದಲ್ಲಿ ನಡೆದ ದೈವಗಳ ನರ್ತನ ಸೇವೆ.

ಕುಶಾಲನಗರ ನ. 28: ಕೂಡಿಗೆ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಹೆಗ್ಗಡಹಳ್ಳಿ ಗ್ರಾಮದಲ್ಲಿರುವ ಶ್ರೀ ಶನೈಚ್ವರ ದೇವಾಲಯದ ಆವರಣದಲ್ಲಿ ಶ್ರೀ ಅಣ್ಣಪ್ಪ ಹಾಗೂ ಪರಿವಾರ ದೈವಗಳ ನರ್ತನ ಸೇವೆ, ಹಾಗೂ ಶ್ರೀ ಅಣ್ಣಪ್ಪ, -ಪಂಜುರ್ಲಿ–ಕರ್ಲ್ಲುಟ್ಟಿ ಹಾಗೂ ಚಾಮುಂಡಿ– ಗುಳಿಗ ದೈವಗಳ ನರ್ತನ ಸೇವೆಯ ಕಾರ್ಯಕ್ರಮವು ವಿವಿಧ ಹೋಮ ಹವನ, ಸೇರಿದಂತೆ ‌ಪೂಜಾ ಕೈಂಕರ್ಯಗಳು ನಡೆದವು.
ವಿವಿಧ ಹೋಮ ಹವನಗಳು ವಿವಿಧ ಪೂಜಾ ಕೈಂಕರ್ಯಗಳನ್ನು ಉಜರೆಯ ರಾಮಚಂದ್ರ ಭರ್ಟ್ ನೇತ್ರತ್ವದ ತಂಡದವರಿಂದ ನೆರವೇರಿಸಿದರು. ಇದರ ಅಂಗವಾಗಿ ದೇವಾಲಯವು ವಿದ್ಯುತ್ ದೀಪ, ತಳಿರು ತೋರಣಗಳಿಂದ ಅಲಂಕರಿಸಲಾಗಿತು. ಈ ಸಂದರ್ಭದಲ್ಲಿ ರಾಜ್ಯದ ವಿವಿಧ ಜಿಲ್ಲೆಯ ನೂರಾರು ಭಕ್ತರು, ಸೇರಿದಂತೆ ದೇವಾಲಯದ ಧರ್ಮದರ್ಶಿ ಎಲ್ಲೂಬಾಯಿ ಹಾಗೂ ಸುತ್ತಮುತ್ತಲಿನ ಗ್ರಾಮಗಳ ನೂರಾರು ಭಕ್ತರು ಭಾಗವಹಿಸಿದರು.