ಕುಶಾಲನಗರ, ಜು 29: ಮಳೆಯಿಂದಾಗಿ ತುಂಡರಿಸಿ ನೆಲಕ್ಕೆ ಬಿದ್ದಿದ್ದ ವಿದ್ಯುತ್ ತಂತಿ ತಗುಲಿ ಬೆಲೆಬಾಳುವ ಎತ್ತು ಸಾವಿಗೀಡಾಗಿರುವ ಘಟನೆ ಗುಡ್ಡೆಹೊಸೂರು ಗ್ರಾಮದಲ್ಲಿ ಶನಿವಾರ ಸಂಭವಿಸಿದೆ.
ಶನಿವಾರ ಬೆಳಗ್ಗೆ ಮೇಯಲು ಗದ್ದೆಗೆ ಬಿಟ್ಟಿದ್ದ ಎತ್ತು ಕೆಳಗೆ ತುಂಡಾಗಿ ಬಿದ್ದಿದ್ದ ವಿದ್ಯುತ್ ತಂತಿಗೆ ಸಿಲುಕಿ ವಿದ್ಯುತ್ ಪ್ರಹವಿಸಿ ಸಾವನ್ನಪ್ಪಿದೆ. ಒಂದು ವೇಳೆ ಮನುಷ್ಯರು ಅಲ್ಲಿ ತೆರಳಿದ್ದರೂ ಕೂಡ ಜೀವಹಾನಿಯಾಗುವ ಸಂಭವ ಸಾಧ್ಯವಿತ್ತು.
ಗುಡ್ಡೆಹೊಸೂರು ಗ್ರಾಮದ ಬಡ ರೈತ ಪುರುಷೋತ್ತಮ ಎಂಬವರು ಇತ್ತೀಚಿಗಷ್ಟೇ 40 ಸಾವಿರ ಕೊಟ್ಟು ಖರೀದಿಸಿ ತಂದಿದ್ದ ಎತ್ತು ಸತ್ತು ಹೋಗಿದ್ದರಿಂದ ಬಡ ರೈತನ ಕುಟುಂಬಕ್ಕೆ ನಷ್ಟವುಂಟಾಗಿದ್ದು ಚೆಸ್ಕಾಂ ವತಿಯಿಂದ ಸೂಕ್ತ ಪರಿಹಾರವನ್ನು ನೀಡಬೇಕೆಂದು ಗುಡ್ಡೆಹೊಸೂರು ಗ್ರಾಪಂ ಮಾಜಿ ಅಧ್ಯಕ್ಷ ಬಿ.ಟಿ.ಪ್ರಸನ್ನ ಅಧಿಕಾರಿಗಳನ್ನು ಒತ್ತಾಯಿಸಿದ್ದಾರೆ.
error: Content is protected !!
