ಕುಶಾಲನಗರ ಆಟೋ ಚಾಲಕರು,‌ಮಾಲೀಕರ ಸಂಘದ ಆಡಳಿತ ಮಂಡಳಿಗೆ ತಂಡ ರಚನೆ

ಕುಶಾಲನಗರ, ಜು 03: ಕೃಷ್ಣ ದರ್ಶನ್ ನೇತೃತ್ವದಲ್ಲಿ ಆಟೋ ಚಾಲಕರು ಮಾಲೀಕರ ಸಂಘದ ನೂತನ ಸಾಲಿನ ಆಡಳಿತ ಮಂಡಳಿಗೆ ತಂಡ ರಚನೆ‌ ಮಾಡಲಾಗಿದೆ.

9 ನಿರ್ದೇಶಕರ ಸ್ಥಾನಕ್ಕೆ ಭಾನುವಾರ ನಡೆದ ಚುನಾವಣೆಯಲ್ಲಿ ಕೃಷ್ಣದರ್ಶನ್ (ಕಿಟ್ಟಿ) ನೇತೃತ್ವದ ತಂಡದ ನಾಲ್ವರು ಜಯಗಳಿಸಿದ್ದಾರೆ. ಈ ತಂಡದೊಂದಿಗೆ ಸ್ವತಂತ್ರ ಅಭ್ಯರ್ಥಿ ಮಾದೇವಗೌಡ ಅವರು‌ ಕೂಡ‌ ಕೈಜೋಡಿಸಿದ್ದು 9 ರ ಪೈಕಿ‌‌ ಕೃಷ್ಣ ಅವರ ತಂಡಕ್ಕೆ ಐವರ‌ ಬಲ ದೊರೆತಿದೆ. ನೂತನ ಆಡಳಿತ ಮಂಡಳಿ‌ ರಚನೆಗೆ ಬಹುಮತ ಲಭಿಸಿದೆ ಎಂದು ಅಧ್ಯಕ್ಷ ಸ್ಥಾನ ಆಕಾಂಕ್ಷಿ ಕೃಷ್ಣದರ್ಶನ್ ತಿಳಿಸಿದ್ದಾರೆ.
ಉಪಾಧ್ಯಕ್ಷ ಸ್ಥಾನ‌ ಸ್ವತಂತ್ರ ಅಭ್ಯರ್ಥಿ ಮಾದೇವ ಗೌಡ ಅವರ‌ ಪಾಲಾಗಿದೆ.
ಪ್ರಧಾನ‌ ಕಾರ್ಯದರ್ಶಿಯಾಗಿ ಸಂತೋಷ್ ಗೌಡ, ಕಾರ್ಯದರ್ಶಿಗೆ ನವೀನ, ಖಜಾಂಚಿ ಸ್ಥಾನ‌ ಮುನೀರ್ ಅವರ ಪಾಲಾಗಲಿದೆ.
ಆಟೋ ಚಾಲಕರು‌ಮಾಲೀಕರ ಸಂಘದ ಪ್ರಮಖರಾದ ವೆಂಕಟೇಶ್ ಡಿ.ಟಿ,‌ಮಹೇಶ್ ನಾಯಕ್, ರಂಗ sslc, ಅಬ್ದುಲ್ ಸಾದಿಕ್, ಸುನಿಲ್ ಕುಮಾರ್, ಮುರಳಿ, ರವೀಶ್ ಕುಮಾರ್, ಜಯಣ್ಣ, ರಮೇಶ್, ಗಿರೀಶ್ ಮತ್ತಿತರರ ಸಮ್ಮುಖದಲ್ಲಿ ತಂಡ ರಚನೆ‌ ಮಾಡಲಾಯಿತು.