ಕುಶಾಲನಗರ, ಮೇ 05: ಮಡಿಕೇರಿ ಕ್ಷೇತ್ರದ ಪರಿಶಿಷ್ಟ ಪಂಗಡದವರಿಗೆ ಶಾಸಕ ಅಪ್ಪಚ್ಚುರಂಜನ್ ಅವರ ಕೊಡುಗೆ ಅಪಾರವಾಗಿದ್ದು, ಹಲವು ಪ್ರಗತಿಪರ ಯೋಜನೆ ಅನುಷ್ಠಾನಗಳೇ ಇದಕ್ಕೆ ಜೀವಂತ ಸಾಕ್ಷಿ ಎಂದು ಜಿಲ್ಲಾ ಬಿಜೆಪಿ ಎಸ್.ಟಿ.ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಡಿ.ಆರ್.ಪ್ರಭಾಕರ್ ತಿಳಿಸಿದರು.
ಭುವನಗಿರಿ, ಬ್ಯಾಡಗೊಟ್ಟ, ಮದಲಾಪುರ, ಬೆಸೂರು, ಕೂಡ್ಲೂರು, ಬಾಳೆಗುಂಡಿ, ವಾಲ್ನೂರು, ತ್ಯಾಗತ್ತೂರು ಸೇರಿದಂತೆ ಹಲವು ಕಡೆಗಳಲ್ಲಿ ಶಾಸಕ ಅಪ್ಪಚ್ಚುರಂಜನ್ ಪರ ಮತಯಾಚನೆ ನಡೆಸುತ್ತಿರುವ ಪ್ರಭಾಕರ್, ಶಾಸಕರು ಇದುವರೆಗೆ ಕೈಗೊಂಡ ಯೋಜನೆಗಳ ಬಗ್ಗೆ ಮತದಾರರಲ್ಲಿ ಅರಿವು ಮೂಡಿಸುತ್ತಿದ್ದಾರೆ.
ಹಾಡಿಗಳು, ಕಾಲನಿಗಳಿಗೆ ಕಾಂಕ್ರಿಟ್ ರಸ್ತೆ, ಸಮುದಾಯ ಭವನ, ಗಂಗಾ ಕಲ್ಯಾಣ ಯೋಜನೆ ಸೇರಿದಂತೆ ಹಲವು ಯೋಜನೆಗಳ ಬಗ್ಗೆ ವಿವರ ನೀಡಿ ಮತಯಾಚನೆ ಮಾಡುತ್ತಿದ್ದಾರೆ.
ಮತ್ತೊಮ್ಮೆ ಅಪ್ಪಚ್ಚುರಂಜನ್ ಅವರ ಆಯ್ಕೆಗೆ ಕೈಜೋಡಿಸುವಂತೆ ಅವರು ಮನವಿ ಮಾಡಿದ್ದಾರೆ.
ಈ ಸಂದರ್ಭ ಸಮಿತಿ ಅಧ್ಯಕ್ಷ ರಂಜಿತ್, ರಾಜ್ಯ ಸಮಿತಿ ಸದಸ್ಯ ಬಿ.ಕೆ. ಮೋಹನ್, ತಾಲೂಕು ಅಧ್ಯಕ್ಷ ರವಿ ಜೆ.ಕೆ, ಪ್ರಮುಖರಾದ ಮಲ್ಲೇಶ್ ಸತ್ಯ, ಪ್ರಸಾದ್, ಸುಬ್ರಮಣಿ, ರಮೇಶ್ ಮತ್ತಿತರರು ಇದ್ದರು.
error: Content is protected !!
