ಚನ್ನಪಟ್ಟಣದಲ್ಲಿ ರಸ್ತೆ ಅಪಘಾತ: ಕೊಡಗಿನ ವ್ಯಕ್ತಿ ದುರ್ಮರಣ

ಕುಶಾಲನಗರ, ಏ 27: ಚನ್ನಪಟ್ಟಣದಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಕೊಡಗಿನ ವ್ಯಕ್ತಿ ಸಾವನ್ನಪ್ಪಿದ್ದಾರೆ. ಕುಶಾಲನಗರ ತಾಲೂಕಿನ ಕೂಡುಮಂಗಳೂರು ಗ್ರಾಪಂ ವ್ಯಾಪ್ತಿಯ
ಚಿಕ್ಕತ್ತೂರು ನಿವಾಸಿ ರಾಮಣ್ಣ ರೈ ಅವರ ಪುತ್ರ ಲಾರಿ ಚಾಲಕ ಅವಿವಾಹಿತ ಹರೀಶ್ ರೈ (38) ಮೃತ ವ್ಯಕ್ತಿ.
ಕುಶಾಲನಗರದಿಂದ ಬೆಂಗಳೂರಿಗೆ ಮರ ಸಾಗಿಸುತ್ತಿದ್ದ ಸಂದರ್ಭ ಗುರುವಾರ ಬೆಳಗ್ಗೆ ಚೆನ್ನಪಟ್ಟಣದ ಬೈಪಾಸ್ ನಲ್ಲಿ ಲಾರಿ ಹಿಂಬದಿ ಟಯರ್ ಪಂಕ್ಚರ್ ಆಗಿದೆ. ಜೊತೆಯಲ್ಲಿ ತೆರಳಿದ್ದ ಮತ್ತೊಂದು ಲಾರಿ ಚಾಲಕನೊಂದಿಗೆ
ರಸ್ತೆ ಬದಿ ಟಯರ್ ಬದಲಿಸಲು ಮುಂದಾದ ಸಂದರ್ಭ ಹಿಂದಿನಿಂದ ಬಂದ ಬೈಕ್ ಇಬ್ಬರಿಗೆ ಡಿಕ್ಕಿಯಾಗಿದೆ. ಗಂಭೀರವಾಗಿ ಗಾಯಗೊಂಡ ಹರೀಶ್ ರೈ ಅವರನ್ನು ಆಸ್ಪತ್ರೆಗೆ ಸಾಗಿಸುವಾಗ ಮೃತಪಟ್ಟಿದ್ದಾರೆ.
ಮೃತನ‌ ಜೊತೆಯಲ್ಲಿ ಸಹಾಯಕ್ಕೆ ಮುಂದಾದ ವ್ಯಕ್ತಿ ಗಂಭೀರವಾಗಿ ಗಾಯಗೊಂಡಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.