ಅನುಚರರಾಗಿ 33 ವರ್ಷಗಳ ಕಾಲ ಸೇವೆ: ಡಿ.ಸಿ.ವಸಂತ್ ಅವರಿಗೆ ಬೀಳ್ಕೊಡುಗೆ

ಕುಶಾಲನಗರ, ಜ 03:
ಮಡಿಕೇರಿಯ ಎಫ್‌ಎಂಕೆಎಂಸಿ, ಮಂಗಳೂರು ವಿಶ್ವವಿದ್ಯಾನಿಲಯದ ಮಂಗಳಗಂಗೋತ್ರಿ ಹಾಗೂ ಜ್ಞಾನಕಾವೇರಿ ಸ್ನಾತಕೋತ್ತರ ಕೇಂದ್ರದಲ್ಲಿ ಅನುಚರರಾಗಿ ಸುಮಾರು 33 ವರ್ಷಗಳ ಸುದೀರ್ಘ ಸೇವೆಯನ್ನು ಸಲ್ಲಿಸಿ ವಯೋನಿವೃತ್ತಿ ಹೊಂದಿದ ಡಿ. ಸಿ. ವಸಂತ್ ಅವರಿಗೆ ಜ್ಞಾನಕಾವೇರಿ ಸ್ನಾತಕೋತ್ತರ ಕೇಂದ್ರದ ಪರವಾಗಿ ಬೀಳ್ಕೊಡುಗೆ ನೀಡಲಾಯಿತು.
ಇದೇ ಸಂದರ್ಭದಲ್ಲಿ ಕೇಂದ್ರದ ಪ್ರಭಾರ ನಿರ್ದೇಶಕರ ಡಾ. ಕೆ. ಕೆ. ಧರ್ಮಪ್ಪ, ಯೋಗ ವಿಜ್ಞಾನ ವಿಭಾಗದ ಸಂಯೋಜಕ ಡಾ. ಶಾಮಸುಂದರ ಜೆ., ಸೂಕ್ಷ್ಮಾಣು ಜೀವವಿಜ್ಞಾನ ವಿಭಾಗದ ಅಧ್ಯಕ್ಷ ಡಾ. ಬಿ. ಎಸ್. ಗುಣಶ್ರೀ, ಸಹಾಯಕ ಪ್ರಾಧ್ಯಾಪಕ ಡಾ. ಐ. ಕೆ. ಮಂಜುಳಾ, ಪ್ರಯೋಗಾಲಯ ಸಹಾಯಕ ಗಂಗರಾಜ್, ಸಹಾಯಕ ಗ್ರಂಥಪಾಲಕ ಕೆ. ಜೆ. ಹರೀಶ್ ಮೊದಲಾದವರು ಅಭಿನಂದಿಸಿದರು. ಬೀಳ್ಕೊಡುಗೆ ಸಮಾರಂಭದಲ್ಲಿ ವಿವಿಧ ವಿಭಾಗದ ಉಪನ್ಯಾಸಕರು, ಆಡಳಿತ ವರ್ಗ, ತಾಂತ್ರಿಕ ವರ್ಗ, ಸ್ವಚ್ಛತಾ ವರ್ಗ ಭದ್ರತಾ ಸಿಬ್ಬಂದ್ಧಿ ಉಪಸ್ಥಿತರಿದ್ದರು.