ಕುಶಾಲನಗರ, ಡಿ 31: 2023 ಬರಮಾಡಿಕೊಳ್ಳಲು ಕಾತರಾಗಿರುವವರು ಎಚ್ಚರ ವಹಿಸಿ. ಡಿ.31 ಶನಿವಾರ ಸಂಜೆ ಪೊಲೀಸ್ ಬಿಗಿ ಬಂದೋಬಸ್ತ್ ಇರಲಿದೆ. 10 ಗಂಟೆವರೆಗೆ ಮಾತ್ರ ಧ್ವನಿವರ್ಧಕ ಬಳಸಲು ಅನುಮತಿ ಇದೆ. ತದನಂತರ ಕಿರಿಕಿರಿ ದೂರು ಬಂದಲ್ಲಿ ಪೊಲೀಸರು ಕ್ರಮವಹಿಸಲಿದ್ದಾರೆ.
ಕುಶಾಲನಗರ ಗ್ರಾಮಾಂತರ, ಕುಶಾಲನಗರ ಪಟ್ಟಣ, ಸಂಚಾರಿ ಪೊಲೀಸ್, ಈ ಮೂರೂ ಠಾಣೆಗಳ ಪೊಲೀಸರು ಸಿಟಿ ರೌಂಡ್ಸ್ ಮಾಡಲಿದ್ದಾರೆ.
ಕುಶಾಲನಗರ ಗ್ರಾಮಾಂತರ ಠಾಣೆ ವ್ಯಾಪ್ತಿಯಲ್ಲಿ ಹೆಬ್ಬಾಲೆ, ಕೂಡಿಗೆ, ನಂಜರಾಯಪಟ್ಟಣ, ಗುಡ್ಡೆಹೊಸೂರು, ಹಾರಂಗಿ ಸೇರಿದಂತೆ 8 ಕಡೆಗಳಲ್ಲಿ ಬಂದೋಬಸ್ತ್ ಪಾಯಿಂಟ್ ಮಾಡಲಾಗಿದೆ.
ಇದನ್ನು ಹೊರತುಪಡಿಸಿ ಕುಶಾಲನಗರ ಪಟ್ಟಣ ಪೊಲೀಸ್ ಠಾಣೆ ವ್ಯಾಪ್ತಿಯ ಅರಣ್ಯ ತಪಾಸಣಾ ಗೇಟ್ (ಕೊಪ್ಪ ಗೇಟ್) ಸೇರಿದಂತೆ ಫೀಲ್ಡ್ ಮಾರ್ಷಲ್ ಕಾರ್ಯಪ್ಪ ವೃತ್ತ ಮತ್ತಿತರ ಕಡೆಗಳಲ್ಲಿ ತಪಾಸಣೆ ಕೈಗೊಳ್ಳಲಾಗುವುದು. ಕಾನೂನು ಸುವ್ಯವಸ್ಥೆ ಕಾಪಾಡುವ ನಿಟ್ಟಿನಲ್ಲಿ ಈ ಎರಡು ಠಾಣೆ ಕಾರ್ಯ ನಿರ್ವಹಿಸಲಿದೆ.
ಸಂಚಾರಿ ಪೊಲೀಸರು ಎಂದಿನಂತೆ ಸಂಚಾರ ಸುವ್ಯವಸ್ಥೆ ಕಾಪಾಡುವುದು ಮತ್ತು ಸಂಚಾರಿ ನಿಯಮ ಉಲ್ಲಂಘನೆ ನಿಯಂತ್ರಣಕ್ಕೆ ಕ್ರಮವಹಿಸಲಿದ್ದಾರೆ.
ಸಂಭ್ರಮಾಚರಣೆ ಮಾಡುವವರು ನಿಯಮಗಳನ್ನು ಉಲ್ಲಂಘಿಸದೆ ಎಚ್ಚರ ವಹಿಸಬೇಕಿದೆ. ತಪ್ಪಿದಲ್ಲಿ ಬಾರೀ ದಂಡ ತೆರಬೇಕಾಗುತ್ತದೆ.
error: Content is protected !!
