ಮಾದಾಪಟ್ಟಣದಲ್ಲಿ ವಿವಿಧ ಅಭಿವೃದ್ಧಿಗೆ ಕಾಮಗಾರಿಗೆ ಭೂಮಿಪೂಜೆ

ಕುಶಾಲನಗರ, ಡಿ 25: ಗುಡ್ಡೆಹೊಸೂರು ಗ್ರಾಪಂ ವತಿಯಿಂದ 15ನೇ ಹಣಕಾಸು ಯೋಜನೆಯಡಿ ಮತ್ತು ಗ್ರಾಪಂ ಅನುದಾನದಲ್ಲಿ ಮಾದಾಪಟ್ಟಣ ಗ್ರಾಮದಲ್ಲಿ ರೂ 20 ಲಕ್ಷ ವೆಚ್ಚದಲ್ಲಿ ಕೈಗೊಂಡಿರುವ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಗ್ರಾಪಂ ಸದಸ್ಯರುಗಳು ಚಾಲನೆ ನೀಡಿದರು.

ಗ್ರಾಮದ ಅಂಬೇಡ್ಕರ್ ಭವನ ಮುಂಭಾಗದಲ್ಲಿ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಲಾಯಿತು.

ಈ ಸಂದರ್ಭ ಮಾತನಾಡಿದ ಗ್ರಾಪಂ ಸದಸ್ಯ ಪ್ರವೀಣ್, ಅಂಬೇಡ್ಕರ್ ಭವನ ಮುಂಭಾಗ ಉದ್ಯಾನ‌ ನಿರ್ಮಾಣ ಮೆಸ್ ಅಳವಡಿಕೆ ಸೇರಿದಂತೆ ಗ್ರಾಮದಲ್ಲಿ ಕಾಂಕ್ರಿಟ್ ರಸ್ತೆ, ಚರಂಡಿ, ಮೋರಿ ನಿರ್ಮಾಣ, ರುದ್ರಭೂಮಿಯಲ್ಲಿ ಕುಡಿವ ನೀರಿನ ಸೌಲಭ್ಯ ಪೂರೈಸುವ ಕಾಮಗಾರಿಗಳನ್ನು ಕೈಗೊಳ್ಳಲಾಗಿದೆ ಎಂದು ಮಾಹಿತಿ ಒದಗಿಸಿದರು.

ಗ್ರಾಪಂ ಸದಸ್ಯರಾದ ಶಿವಪ್ಪ ಪ್ರವೀಣ್, ಸೌಮ್ಯ, ಉಮಾ, ಪಟ್ಟುಮಾದಪ್ಪ,‌ ನಿತ್ಯಾನಂದ, ಸುಶೀಲ ಅವರು ಭೂಮಿಪೂಜೆ ನೆರವೇರಿಸಿದರು.

ಈ ಸಂದರ್ಭ ಗ್ರಾಮಸ್ಥರಾದ ಮಂಜುನಾಥ್ ಎಂ.ಸಿ, ರವಿ ಎಂ.ಪಿ,
ಶ್ರೀನಿವಾಸ ಹೆಚ್.ಜೆ,
ಮಹೇಶ್ ಹೆಚ್.ಕೆ, ಸೋಮಶೇಖರ್,
ಶಿವಣ್ಣ, ಗುತ್ತಿಗೆದಾರರು ಸಿದ್ದಿಕ್ ಹಸನಬ್ಬ ಇದ್ದರು.