ಪಿರಿಯಾಪಟ್ಟಣದಲ್ಲಿ ರಸ್ತೆ ಅಪಘಾತ: ಕೂಡಿಗೆಯ ಯುವಕ ದುರ್ಮರಣ

ಕುಶಾಲನಗರ ನ 06: ಪಿರಿಯಾಪಟ್ಟಣದಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಕೂಡಿಗೆಯ ಯುವಕ ಮೃತಪಟ್ಟ ಘಟನೆ ಮಂಗಳವಾರ ರಾತ್ರಿ ನಡೆದಿದೆ.

ಕೂಡಿಗೆಯ ಮಾಜಿ ಯೋಧ ಗಿರಿಯಪ್ಪ ಎಂಬವರ ಪುತ್ರ ಸಚಿನ್ (27) ಮೃತ ದುರ್ದೈವಿ.
ಪಾಲಿಬೆಟ್ಟದಲ್ಲಿ ಟಾಟಾ ಕಾಫಿ ಉದ್ಯೋಗಿಯಾಗಿರುವ ಸಚಿನ್ ಕೆಲಸ ಮುಗಿಸಿ ಪಿರಿಯಾಪಟ್ಟಣ ಮೂಲಕ‌ ಕೂಡಿಗೆಗೆ ಆಗಮಿಸುವ ಸಂದರ್ಭ ಅಪಘಾತ ಸಂಭವಿಸಿದೆ.
ಸಚಿನ್ ದ್ವಿಚಕ್ರ ವಾಹನ ಹಾಗೂ ಲಾರಿ ನಡುವೆ ಸಂಭವಿಸಿದ ಅಪಘಾತದಲ್ಲಿ ಸಚಿನ್ ತಲೆಗೆ ಹಾಗೂ ಇತರೆ ಭಾಗಗಳಿಗೆ ಗಂಭೀರ ಪೆಟ್ಟಾಗಿತ್ತು. ಪಿರಿಯಾಪಟ್ಟಣ ಆಸ್ಪತ್ರೆಯಲ್ಲಿ ಪ್ರಥಮ ಚಿಕಿತ್ಸೆ ನೀಡಿ ನಂತರ ಮೈಸೂರು ಆಸ್ಪತ್ರೆಗೆ ಸಾಗಿಸಿದರೂ ಚಿಕಿತ್ಸೆ ಫಲಕಾರಿಯಾಗದ ಹಿನ್ನೆಲೆಯಲ್ಲಿ ಸಚಿನ್ ಮೃತಪಟ್ಟಿದ್ದಾರೆ.