ಬೈಕ್ ನಿಂದ ಕೆಳಗೆ ಬಿದ್ದು‌ ಗಾಯಗೊಂಡಿದ್ದ ಮಹಿಳೆ‌ ಸಾವು

ಕುಶಾಲನಗರ, ನ. 4: ಚಲಿಸುತ್ತಿದ್ದ ಬೈಕ್ ನಿಂದ  ಕೆಳಗುರುಳಿದ ಪರಿಣಾಮ ಮಹಿಳೆಯೊಬ್ಬರು ಗಾಯಗೊಂಡು ಚಿಕಿತ್ಸೆ ಫಲಿಸದೆ ಮೃತಪಟ್ಟ ಘಟನೆ ಹೆಬ್ಬಾಲೆಯಲ್ಲಿ ನಡೆದಿದೆ.

ಕೂಡುಮಂಗಳೂರು ಗ್ರಾಮದ ನಿವೃತ್ತ ಡೈರಿ ನೌಕರ ವಿಶ್ವನಾಥ ಪತ್ನಿ ಮಣಿ (55) ಮೃತ ದುರ್ದೈವಿ

ವಿಶ್ವನಾಥ ಮತ್ತು ಅವರ ಪತ್ನಿ ಮಣಿ ಹಾಗೂ ಮೊಮ್ಮಗಳು ತಮ್ಮ ಬೈಕ್ ನಲ್ಲಿ ಭಾನುವಾರ ಬಾಣಾವರ ಸಮೀಪದ ತರಗಳೆ ಗ್ರಾಮಕ್ಕೆ ಹೋಗುತ್ತಿರುವ ಸಂದರ್ಭದಲ್ಲಿ ಹೆಬ್ಬಾಲೆ ಬಾಣಾವರ ರಸ್ತೆಯ ತಿರುವಿನಲ್ಲಿ ಬೈಕ್ ಗುಂಡಿಗೆ ಇಳಿದ ಪರಿಣಾಮವಾಗಿ ನೆಲಕ್ಕೆ ಬಿದ್ದ ಮಣಿ ಅವರ ತಲೆಯ ಭಾಗಕ್ಕೆ ತೀವ್ರತರವಾದ ಪೆಟ್ಟಾಗಿತ್ತು. ಕುಶಾಲನಗರ ಸಮುದಾಯದ ಆರೋಗ್ಯ ಕೇಂದ್ರದಲ್ಲಿ ಪ್ರಥಮ ಚಿಕಿತ್ಸೆ ನೀಡಿ ಮೈಸೂರಿಗೆ ರವಾನಿಸಲಾಗಿತ್ತು. ಅದರೆ ಅಲ್ಲಿ ಚಿಕಿತ್ಸೆ ಫಲಕಾರಿಯಾಗದ ಪರಿಣಾಮ ಮಣಿ ಅವರು ಸೋಮವಾರ ಮೃತಪಟ್ಟಿದ್ದಾರೆ.