ಕುಶಾಲನಗರ, ಅ 23: ದಸರಾದಲ್ಲಿ ಪಾಲ್ಗೊಳ್ಳಲು ಕೊಡಗಿನ ಕುಶಾಲನಗರದ ದುಬಾರಿ ಸಾಕಾನೆ ಶಿಬಿರದಿಂದ ತೆರಳಿದ್ದ ಸಂದರ್ಭ ರಾದ್ದಾಂತ ಮಾಡಿ ಸುದ್ದಿಯಾಗಿದ್ದ ಧನಂಜಯ ಮತ್ತು ಕಂಜನ್ ಆನೆಗಳು ಮತ್ತೆ ಸುದ್ದಿಯಾಗಿವೆ.
ಅರಮನೆ ಆವರಣದಲ್ಲಿ ಕಂಜನ್ ಆನೆಯನ್ನು ಅಟ್ಟಾಡಿ ಭೀತಿ ಸೃಷ್ಠಿಸಿದ್ದ ಧನಂಜಯ ಆನೆ, ಇದೀಗ ದುಬಾರೆ ಶಿಬಿರದಲ್ಲಿ ಮತ್ತೆ ಕಂಜನ್ ಮೇಲೆ ದಾಳಿ ನಡೆಸಿದೆ.
ಆನೆಗಳಿಗೆ ಆಹಾರ ನೀಡುವ ಸ್ಥಳದಲ್ಲಿ ಕಂಜನ್ ಆನೆಗೆ ಹಿಂದಿನಿಂದ ದಾಳಿ ಮಾಡಿದ ಧನಂಜಯ ಆನೆ ದಂತದಿಂದ ತಿವಿದಿದೆ. ಈ ದಾಳಿಯ ವಿಡಿಯೋ ಪ್ರವಾಸಿಗರ ಮೊಬೈಲ್ ನಲ್ಲಿ ಸೆರೆಯಾಗಿ ವೈರಲ್ ಆಗಿದೆ.
ಧನಂಜಯನ ಮೇಲೆ ಮಾವುತನಿದ್ದರೂ ಕೂಡ ಆತನ ನಿಯಂತ್ರಣಕ್ಕೆ ಸಿಗದೆ ಕೆಲ ನಿಮಿಷ ಧನಂಜಯ ಆನೆ ಕಂಜನ್ ಗೆ ಹಿಂದಿನಿಂದ ಯದ್ವಾತದ್ವ ತಿವಿದಿದೆ. ಈ ದೃಶ್ಯ ಕಂಡ ಪ್ರವಾಸಿಗರು ಆತ‌ಂಕಕ್ಕೆ ಒಳಗಾಗದರು.
ಧನಂಜಯ ಆನೆಗೆ ಮದವೇರಿದ ಕಾರಣ ಈ ರೀತಿ ವರ್ತಿಸಿದೆ, ಇದು ಕ್ಯಾಂಪ್ ನಲ್ಲಿ ಸಾಮಾನ್ಯ ಎಂದು ಅರಣ್ಯ ಅಧಿಕಾರಿಗಳು ತಿಳಿಸಿದ್ದಾರೆ.
ಸಧ್ಯಕ್ಕೆ ಧನಂಜಯನನ್ನು ಪ್ರತ್ಯೇಕವಾಗಿರಿಸಿದ್ದ ಕಂಜನ್ ಆನೆ ಎಂದಿನಂತೆ ಸಹಜವಾಗಿ ಕಂಡುಬಂದಿದೆ.
error: Content is protected !!
