ಕೊಡಗಿಗೆ ಆಗಮಿಸಿದ ಲೋಕಸಭಾ ಅಭ್ಯರ್ಥಿ, ರಾಜವಂಶಸ್ತ ಯದುವೀರ್ ಒಡೆಯರ್ ಗೆ ಕುಶಾಲನಗರದಲ್ಲಿ ಸ್ವಾಗತ

ಕುಶಾಲನಗರ, ಮಾ 15:
ಮೈಸೂರು ಕೊಡಗು ಲೋಕಸಭಾ ಕ್ಷೇತ್ರದ ಅಭ್ಯರ್ಥಿಯಾದ ಯದುವೀರ್ ಒಡೆಯರ್ ಕೊಡಗಿಗೆ ಆಗಮಿಸಿದರು. ಮಡಿಕೇರಿಯಲ್ಲಿ ನಡೆಯಲಿರುವ ಬಿಜೆಪಿಯ ಹಿಂದುಳಿದ ವರ್ಗಗಳ ಬೃಹತ್ ಸಮಾವೇಶದಲ್ಲಿ ಪಾಲ್ಗೊಳ್ಳಲು ಶುಕ್ರವಾರ ಆಗಮಿಸಿದ ಅವರನ್ನು
ಭಾರತೀಯ ಜನತಾ ಪಾರ್ಟಿ ಸೋಮವಾರಪೇಟೆ ಮಂಡಲ ಮತ್ತು ಕುಶಾಲನಗರ ಮಹಾಶಕ್ತಿ ಕೇಂದ್ರದ ವತಿಯಿಂದ ಕೊಡಗು-ಮೈಸೂರು ಗಡಿ ಕಾವೇರಿ ಸೇತುವೆಯ ಬಳಿ ಅವರನ್ನು ಅದ್ದೂರಿಯಾಗಿ ಸ್ವಾಗತಿಸಲಾಯಿತು.

ಕಾವೇರಿ ಮಾತೆ ಪ್ರತಿಮೆಗೆ ಯದುವೀರ್ ಪೂಜೆ‌ ಸಲ್ಲಿಸಿದರು. ಪ್ರಕೃತಿಗೆ ಪೂರಕವಾದ ಪ್ರವಾಸೋದ್ಯಮ ಅಭಿವೃದ್ಧಿ ಜೊತೆಗೆ ಕೊಡಗು ಮೈಸೂರು ಕ್ಷೇತ್ರದ ಸಮಗ್ರ ಅಭಿವೃದ್ಧಿಗೆ ಚಿಂತನೆ ಹೊಂದಲಾಗಿದೆ ಎಂದರು. ನನ್ನನ್ನು ಸ್ವಾಗತಿಸಿರುವ ಕ್ಷೇತ್ರದ ಜನತೆಗೆ ಧನ್ಯವಾದ ಸಲ್ಲಿಸಿದರು.

ಸೋಮವಾರಪೇಟೆ
ಮಂಡಲ ಬಿಜೆಪಿಯ ಅಧ್ಯಕ್ಷ ಗೌತಮ್, ಉಪಾಧ್ಯಕ್ಷ ಭುವನೇಂದ್ರ, ನಿತ್ಯಾನಂದ, ಎಸ್.ಟಿ.ಮೋರ್ಚಾ ಅಧ್ಯಕ್ಷ ಪ್ರವೀಣ್,
ಜಿಲ್ಲಾ ಬಿಜೆಪಿ ಪ್ರಮುಖರಾದ ಬಿ.ಎಸ್.ಅನಂತಕುಮಾರ್, ಇಂದಿರಾ ರಮೇಶ್, ಜೈವರ್ಧನ್, ತಾಲೂಕು ಪ್ರಮುಖರಾದ ಅಜೀಶ್ ಕುಮಾರ್, ಅರುಣ ಕುಮಾರಿ, ಎಂ.ಡಿ.ಕೃಷ್ಣಪ್ಪ, ಯುವ ಮೋರ್ಚಾದ ಪದ್ಮನಾಭ, ಚಂದ್ರಶೇಖರ್, ತಾಲೂಕು ಅಲ್ಪಸಂಖ್ಯಾತ ಘಟಕದ ಅಧ್ಯಕ್ಷ ನಿಸಾರ್,
ಪ್ರಮುಖರಾದ ಅಮೃತ್ ರಾಜ್, ಕೆ.ಜಿ.ಮನು, ವೈಶಾಖ್, ಪ್ರವೀಣ್, ಚರಣ್, ನವನೀತ್, ಜಿ.ಎಲ್.ನಾಗರಾಜ್, ಕುಮಾರಪ್ಪ, ಮಧುಸೂದನ್, ರಾಮು, ಮಾವಾಜಿ ರಕ್ಷಿತ್ ವಿವಿಧ ಗ್ರಾಪಂ ಜನಪ್ರತಿನಿಧಿಗಳು, ವಿವಿಧ ಘಟಕಗಳ ಪದಾಧಿಕಾರಿಗಳು, ಸದಸ್ಯರು, ಕಾರ್ಯಕರ್ತರು ಇದ್ದರು.