ಕುಶಾಲನಗರದಲ್ಲಿ‌ ರಂಜಾನ್ ಆಚರಣೆ

ಕುಶಾಲನಗರ, ಏ 22: ಕುಶಾಲನಗರ ಸುತ್ತಮುತ್ತಲ ವ್ಯಾಪ್ತಿಯಲ್ಲಿ ಮುಸಲ್ಮಾನರು ರಂಜಾನ್ ಹಬ್ಬವನ್ನು ಶ್ರದ್ದಾಭಕ್ತಿಯಿಂದ ಆಚರಿಸಿದರು.
ವಿವಿಧ ಮಸೀದಿಗಳಲ್ಲಿ ರಂಜಾನ್ ವಿಶೇಷ ಪ್ರಾರ್ಥನೆ ಹಾಗೂ ಧಾರ್ಮಿಕ ಪ್ರವಚನ ನಡೆಯಿತು.
ಶನಿವಾರ ಬೆಳಗ್ಗೆ ನೂರಾರು ಸಂಖ್ಯೆಯ ಮುಸಲ್ಮಾನ ಬಾಂಧವರು ಹೊಸ ಉಡುಗೆ ತೊಡುಗೆಗಳನ್ನು ಧರಿಸಿ ಮೆರವಣಿಗೆಯಲ್ಲಿ ಕುಶಾಲನಗರದಿಂದ ಗಂಧದಕೋಟಿ ಬಳಿಯಿರುವ ಈದ್ಗಾ ಮೈದಾನಕ್ಕೆ ತೆರಳಿ ಸಾಮೂಹಿಕವಾಗಿ ಪ್ರಾರ್ಥನೆ ಸಲ್ಲಿಸಿದರು.
ಪರಸ್ಪರ ಆಲಿಂಗಿಸಿಕೊಂಡು ಹಬ್ಬದ ಶುಭಾಶಯ ವಿನಿಮಯ ಮಾಡಿಕೊಂಡರು.
ಜಾಮಿಯ ಮಸೀದಿಯ ಹಿಮಾಮ್ ರಶೀದ್ ಅಹಮ್ಮದ್ ವಿಶೇಷ ಪ್ರವಚನ‌ ನೀಡಿದರು.
ಮಸೀದಿ ಸಮಿತಿ ಪ್ರಮುಖರಾದ ಮೆಹತಾಬ್ ಅಹಮ್ಮದ್, ರಫೀಕ್ ಅಹಮ್ಮದ್ ಸೇರಿದಂತೆ ಪದಾಧಿಕಾರಿಗಳು ಇದ್ದರು.