ಕಂಬಿಬಾಣೆ: ಹಿಂಜಾವೆ ಆಶ್ರಯದಲ್ಲಿ ನಡೆದ ವಿಜೃಂಭಣೆಯ ಶ್ರೀಕೃಷ್ಣ ಜನ್ಮಾಷ್ಟಮಿ

ಕುಶಾಲನಗರ, ಆ 21: ವಿಶ್ವ ಹಿಂದೂ ಪರಿಷದ್, ಭಜರಂಗದಳ, ದುರ್ಗಾವಾಹಿನಿ, ಮಾತೃಶಕ್ತಿ ಸಂಘಟನೆಗಳ‌ ಕುಶಾಲನಗರ ಪ್ರಖಂಡ ಹಾಗೂ ಕಂಬಿಬಾಣೆ ಘಟಕದ ಆಶ್ರಯದಲ್ಲಿ ಪ್ರಥಮ ವರ್ಷದ ಶ್ರೀ ಕೃಷ್ಣ ಜನ್ಮಾಷ್ಟಮಿ‌ ಕಾರ್ಯಕ್ರಮ ಕಂಬಿಬಾಣೆಯ ಸರಕಾರಿ ಶಾಲಾ ಮೈದಾನದಲ್ಲಿ ನಡೆಯಿತು.
ವಿ ಎಚ್ ಪಿ ಜಿಲ್ಲಾ ಸಂಚಾಲಕ‌ ಅನೀಶ್ ಹಾಗೂ ತಾಲೂಕು ಅಧ್ಯಕ್ಷರಾದ ದಿನೇಶ್ ಕಾರ್ಯಕ್ರಮಕ್ಕೆ ಚಾಲನೆ‌ ನೀಡಿದರು.
ಕಾರ್ಯಕ್ರಮದ ಅಂಗವಾಗಿ ಪುರುಷರು ಹಾಗೂ ಮಹಿಳೆಯರಿಗೆ ಮೊಸರು ಕುಡಿಕೆ ಒಡೆಯುವುದು, ಹಗ್ಗಜಗ್ಗಾಟ, ಮಕ್ಕಳಿಗೆ ಕಾಳು ಹೆರಕುವ ಸ್ಪರ್ಧೆ, ಶ್ರೀ‌ಕೃಷ್ಣ ಛದ್ಮವೇಶ ಹಾಗೂ ಮ್ಯೂಸಿಕಲ್ ಚೇರ್ ಸ್ಪರ್ಧೆಗಳು ನಡೆಯಿತು. ಸಿದ್ದಲಿಂಗಪುರದ ಅರಿಶಿನಗುಪ್ಪೆಯ ಮಂಜುನಾಥ ದೇವಾಲಯದ ರಾಜೇಶ್ ನಾಥ್ ಸ್ವಾಮೀಜಿ ದಿವ್ಯ ಸಾನಿಧ್ಯ‌ ವಹಿಸಿ ಮಾತನಾಡಿದರು. ಪ್ರತಿಯೊಬ್ಬ ಭಾರತೀಯ ಜಾತಿ, ಧರ್ಮ, ಮತ, ಪಂಥ, ಅಂತಸ್ಥು ಹೊರತುಪಡಿಸಿ ಒಗ್ಗೂಡಿ ಸಹಬಾಳ್ವೆ ನಡೆಸುವಂತಾಗಬೇಕು. ಅದೇ ಸಮಯದಲ್ಲಿ ಭಾರತೀಯತೆ, ಹಿಂದುತ್ವದ ಉಳಿವಿಗಾಗಿ ಒಗ್ಗೂಡಿ ಹೋರಾಡಬೇಕಿದೆ. ಮಕ್ಕಳಿಗೆ ಬಾಲ್ಯದಿಂದಲೇ ಸುಸಂಸ್ಕೃತ, ಸದ್ವಿಚಾರಗಳನ್ನು ಬಿತ್ತಿ ಬೆಳೆಸಬೇಕಿದೆ. ಭಾರತೀಯತೆ, ಹಿಂದುತ್ವದ ಮೇಲೆ ದಾಳಿ‌ ಮಾಡುವ ದುಷ್ಟ ಶಕ್ತಿಗಳ‌ ವಿರುದ್ದ ಸಂಘಟಿತರಾಗಿ ಹೋರಾಡಬೇಕಿದೆ ಎಂದು ಕರೆ‌ ನೀಡಿದರು.
ಮುಖ್ಯ ಅತಿಥಿಗಳಾಗಿ ಜಿಪಂ ಮಾಜಿ ಅಧ್ಯಕ್ಷ, ಉದ್ಯಮಿ ವಿ.ಎಂ.ವಿಜಯ ಪಾಲ್ಗೊಂಡಿದ್ದರು.
ಕಾರ್ಯಕ್ರಮದಲ್ಲಿ ದುರ್ಗಾವಾಹಿನಿ ಜಿಲ್ಲಾ ಸಂಚಾಲಕಿ‌ ಅಂಬಿಕಾ ಉತ್ತಪ್ಪ, ಜಿಲ್ಲಾ ಗೋರಕ್ಷಕ‌ ಪ್ರಮುಖ್ ಶಿವಸ್ವಾಮಿ, ಜಿಲ್ಲಾ ಅಖಾಡ ಪ್ರಮುಖ್ ಸಜಿ ಭರತ್, ತಾಲೂಕು ಗೋರಕ್ಷಕ‌ ಪ್ರಮುಖ್ ಶಶಿಕುಮಾರ್, ವಿ ಎಚ್ ಪಿ ತಾಲೂಕು ಕಾರ್ಯದರ್ಶಿ ಕೆ.ವಿನು, ಕಂಬಿಬಾಣೆ ಘಟಕದ ಅಧ್ಯಕ್ಷ ಆನಂದ್, ತಾಲೂಕು‌ ಸಹ ಸಂಯೋಜಕ‌ ಪ್ರಮೋದ್, ದುರ್ಗಾವಾಹಿನಿ‌ ಕಂಬಿಬಾಣೆ ಘಟಕದ ಸಂಚಾಲಕಿ ಮೀನಾ, ಮಾತೃಶಕ್ತಿ ಸಂಚಾಲಕಿ‌ ಪ್ರಿಯಾ ಮತ್ತಿತರರು ಇದ್ದರು.
ಛದ್ಮವೇಶ ಸ್ಪರ್ಧೆಯಲ್ಲಿ 60 ಕ್ಕೂ ಅಧಿಕ ಪುಟಾಣಿಗಳು‌ ಭಾಗವಹಿಸಿ ಗಮನ‌ ಸೆಳೆದರು. ವಿವಿಧ ಸ್ಪರ್ಧೆ ವಿಜೇತರಿಗೆ‌ ಬಹುಮಾನ ವಿತರಣೆ ನಡೆಯಿತು.